අද රට පුරා විදුලිය කපයි?..එළිවෙන ජාමෙ සිදුවූ දේ මෙන්න..

ඊයේ (08) මධ්‍යම රාත්‍රියේ සිට ලංකා විදුලිබල මණ්ඩලයේ (CEB) ඉංජිනේරු සංගමය වැඩ වර්ජනයක් ඇතුළු දීපව්‍යාප්ත වෘත්තීය සමිති ක්‍රියාමාර්ග මාලාවක් දියත් කිරීමට තීරණය කර තිබෙන බව වාර්තා වනවා.

අද බ්‍රහස්පතින්දා (09) පාර්ලිමේන්තුවේදී විවාදයට ගැනීමට නියමිත විදුලිබල ව්‍යාපෘති සම්බන්ධයෙන් මෙම වෘත්තීය ක්‍රියාමාර්ග ආරම්භ කරන බවයි එම සංගමය ප්‍රකාශ කළේ.

පහත සඳහන් ප්‍රධාන ඉල්ලීම් තුනක් මුල් කර ගනිමින් මෙම වෘත්තීය ක්‍රියාමාර්ග ක්‍රියාත්මක කරන බවයි එම සංගමය වැඩිදුරටත් පැවසුවේ.

01. තරඟකාරී ලංසු තැබීමේ ක්‍රියාවලිය අනුගමනය නොකර දේශීය ලංසුකරුවන්ට කිසිදු සමාන අවස්ථාවක් ලබා නොදී රටේ සුළං සහ සූර්ය බලශක්ති සම්පත් Adani සමූහයට පැවරීම.

02. 2009 අංක 20 දරන විදුලිබල පනත සංශෝධනය කිරීම, අනවශ්‍ය යෝජනා හරහා දූෂණයට මග පාදන තරගකාරී ලංසු තැබීමේ ක්‍රියාවලිය අවලංගු කිරීම.

03. පසුගිය පාලන සමයේ පත්කළ ලංවිම සභාපතිවරයා ඉවත් නොකිරීම.

මේ අනුව අද අලුයම සිට දිවයිනේ ප්‍රදේශ රැසක විදුලිය විසන්දි වීම් වාර්තා වනවා.

මේ අතර විදුලි බල සැපයුම අත්‍යාවශ්‍ය සේවාවක් බවට පත්කරමින් ජනාධිපති ගෝඨාභය රාජපක්ෂ විසින් ගැසට් නිවේදනයක් ප්‍රකාශයට පත්කර තිබේ.

අදාළ ගැසට් නිවේදනය පහතින්….