වෙළඳසැලකට ගිය පොලිස් නිලධාරියෙකුට පහර දී ඝාතනය කරයි..

 තංගල්ල ප්‍රදේශයේදී පිරිසක් විසින් කළ පහරදීමකින් පොලිස් කොස්තාපල්වරයෙකු ජීවිතක්ෂයට පත්ව තිබෙනවා.

මෙලෙස ජීවිතක්ෂයට පත්ව ඇත්තේ තංගල්ල විතාරන්දෙණිය ප්‍රදේශයේ පදිංචිව සිටි 34 හැවිරිදි වියේ පසුවූ පොලිස් කොස්තාපල්වරයෙක්.

මෙම පොලිස් කොස්තාපල්වරයා දක්ෂිණ අධිවේගී මාර්ගයේ කසාගල අන්තර් හුවමාරුවේ පොලිස් ස්ථානයට අනුයුක්තව සේවයේ නිරතව සිට තිබෙනවා.

පොලීසිය සැක පලකරන්නේ පෞද්ගලික ආරවුලක් මත මෙම ඝාතනය සිදුවන්නට ඇති බවටයි.

මෙම පහරදීමෙන් අදාළ පොලිස් නිලධාරියාගේ සහෝදරයෙකුද කරාපිටිය රෝහලට ඇතුළත් කර තිබෙනවා.