නිධන් සොයා කැණීම් කළ දෙදෙනකුට වැඩ වැරදෙයි.

විශේෂ කාර්‍ය බලකා අම්පාර කඳවුරේ නිලධාරින්ට ලද තොරතුරකට අනුව කළ වැටලීමක දී නිධන් සොයා පුරාවස්තු කැණීම් කළ පුද්ගලයින් දෙදෙනකු අත්අඩංගුවට ඊයේ (17) පෙරවරුවේදි ගෙන ඇත.

ඒ ඉගිනියාගල - ජයන්ති පුර වැව අසල රක්ෂිතයේදි කළ වැටලීමදී ය.

ඔවුන් වයස අවුරුදු 36 හා 46 වන හපුතලේ සහ වඩිනාගල ප්‍රදේශයේ පදිංචි පුද්ගලයන් දෙදෙනෙකු වේ.

ඒ සමග ඔවුන් කැණීම් සඳහා භාවිත කළ උපකරණ තොගයක් ද නඩු භාණ්ඩ වශයෙන් පොලිස් භාරයට ගෙන ඇත.

සැකකරුවන් වැඩිදුර විමර්ශන සඳහා ඉගිනියාගල පොලිසියට භාර කෙරිණ.