අල්ලස් නඩුවක් මත රාජිත සේනාරත්නව අත්අඩංගුව ගන්න සියල්ල සූදානමින්..

අල්ලස් සම්බන්ධ නඩුවක් සම්බන්ධයෙන් හිටපු අමාත්‍ය රාජිත සේනාරත්න මහතාට සැකකරුවෙකු ලෙස නම් කර අත්අඩංගුවට ගැනීමේ සැලසුමක් ඇති බව වාර්තා වේ.

මෙය සනාථ වුණේ, දූෂණ චෝදනාවක් යටතේ අත්අඩංගුවට ගත් ධීවර වරාය නීතිගත සංස්ථාවේ හිටපු උප සභාපති උපාලි ලියනගේ මහතා, අද (කොළඹ) ප්‍රධාන මහේස්ත්‍රාත් තනූජා ලක්මාලි ජයතුංග මහත්මිය හමුවට ඉදිරිපත් කළ අවස්ථාවේ, අල්ලස් හා දූෂණ පිළිබඳ විමර්ශන කොමිසමේ නිලධාරීන් විසිනි.

ඔවුන් සඳහන් කළේ, එම නඩුව සම්බන්ධයෙන් රාජිත සේනාරත්න මහතා ඒ කාලයේදී අමාත්‍ය ධූරය දැරූ බැවින් ඔහුට එරෙහිවද විමර්ශනයක් සිදුවෙමින් පවතින අතර, ඔහු සැකකරුවෙකු ලෙස නම් කරමින් අත්අඩංගුවට ගැනීම සිදුකෙරීමට නියමිත බවය.

අදාළ සිද්ධිය සම්බන්ධයෙන් උපාලි ලියනගේ මහතා අද අධිකරණයට ඉදිරිපත් කිරීමෙන් අනතුරුව, ඇප මත මුදා හැරීමට නියෝග කර තිබුණි.