ශිෂ්‍යයින් දොළොස් දෙනෙකුගේ ශිෂ්‍යභාවය අහෝසි කෙරේ..

පේරාදෙණිය විශ්වවිද්‍යාලයේ හිටපු උපකුලපති භූ විද්‍යා මහාචාර්ය අතුල සේනාරත්න මහතාට සහ ඔහුගේ නිවසට පහරදීමට සම්බන්ධයෙන් විශ්වවිද්‍යාල සිසුන් 12 දෙනෙකුගේ ශිෂ්‍යභාවය අහෝසි කර තිබේ.

පේරාදෙණිය විශ්ව විද්‍යාලයේ විනය පාලක මහාචාර්ය තිලක් බණ්ඩාර මහතා පැවසුවේ,සිද්ධිය සම්බන්ධයෙන් සිදුකළ විමර්ශනවලදී ඊට සම්බන්ධ සිසුන් 12 දෙනෙකු හඳුනාගත් බවයි.

එම සිසුන්ගේ ශිෂ්‍ය භාවය, විමර්ශනවලට යටත්ව අහෝසි කිරීමට පියවර ගත් බව ඔහු සඳහන් කළේය. අදාළ සිද්ධියට සම්බන්ධ වූ බවට සැලකෙන තවත් සිසුන් හඳුනාගැනීම තවදුරටත් ක්‍රියාත්මකය.