නසා හි ඔරායන් සඳෙහි කක්ෂයට ඇතුල් වෙයි.

පසුගියදා නාසා ආයතනය විසින් සඳ මතට යැවීම සඳහා අභ්‍යවකාශ ගත කළ ඔරායන් යානය මේ වන විට සාර්ථකව සඳෙහි කක්ෂයට ඇතුළු වී තිබෙනවා.

මෙය නාසා ආයතනය විසින් සිදු කරන ආටිමිස් මෙහෙයුමේ එක් අදියරක් වන අතර ඇමෙරිකානු ඩොලර් බිලියන 4.1ක් වැය කර ඇති බවයි වාර්තා වන්නේ.

ඇපලෝ චන්ද්‍ර මෙහෙයුම අවසන්වී වසර 50 කට පමණ පසු නාසා චන්ද්‍ර යානයක් සඳට ළං වූ පළමු අවස්ථාව මෙය වනවා.

ඔරායන් යානය සඳ මතුපිටට ගොඩබෑමක් නොකරන අතර, එය අඳුරු කලාපයද පසුකර සඳ වටා ගොස් ආපසු පෘථිවිය බලා පැමිණීමට නියමිතයි.