NVQ සහතික නිකුත් කරන ආයතන 81ක් අත්හිටුවයි..!
NVQ සහතිකපත්‍ර පාඨමාලා පිරිනමන ආයතන 81ක් පමණ ප්‍රමිතියෙන් බාල වීම හේතුවෙන් මේ වන විට අත්හිටුවා ඇති බව කෝප් කමිටුවේ තෘතීයික අධ්‍යාපනය පිළිබඳ අනුකමිටු අනාවරණය කරයි.
එම ආයතනවල නම් පුවත්පත් නිවේදන මගින් ප්‍රකාශයට පත් කිරීමට සහ ඒවා තහනම් කිරීමට නීතිමය ක්‍රියාමාර්ග ගැනීමට නිසි යාන්ත්‍රණයක් සකස් කරන ලෙස අනුකාරක සභාව නිර්දේශ කළේය.
අනුකමිටු සභාපති පාර්ලිමේන්තු මන්ත්‍රී මධුර විතානගේ සහ අධ්‍යාපන අමාත්‍යාංශය, තෘතීයික හා වෘත්තීය අධ්‍යාපන කොමිෂන් සභාව, ජාතික ආධුනිකත්ව හා කාර්මික පුහුණු අධිකාරිය, වෘත්තීය පුහුණු අධිකාරිය, වැනි ආයතන රැසක නියෝජිතයින්ගේ ප්‍රධානත්වයෙන් පසුගියදා පාර්ලිමේන්තුවේදී අනුකාරක සභා රැස්විය.
Ceylon German Technical Training Institute සහභාගී විය. ව්‍යාජ NVQ සහතික හඳුනාගෙන වැරදිකරුවන්ට එරෙහිව නීතිමය පියවර ගැනීමේ අවශ්‍යතාව ද කමිටුව අවධාරණය කළේය.
සහතිකයේ QR කේතය හරහා ව්‍යාජ සහතික හඳුනා ගත හැකි වුවද නීතිමය පියවර ගැනීමට පනතේ අඩුපාඩු පවතින බවත් එම නිසා එම අඩුපාඩු නිවැරදි කිරීම සඳහා අදාළ පනත සංශෝධනය කිරීමට උපදෙස් දුන් බවත් කමිටුව පවසයි.
