පොදු ජන පෙරමුණ ගන්නා තීරණය ගැන නාමල් දුන් ඉඟිය..

ශ්‍රී ලංකා පොදු ජන පෙරමුණෙහි, ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පවසන්නේ, ජනාධිපතිවරණයක් කැඳවා ඇති මොහොතක රටට හෝ පුරවැසියාට කිසිදු හානියක් වන තීරණයක් ශ්‍රී ලංකා පොදුජන පෙරමුණ නොගන්නා බවයි.

ඔහු මේ බව සඳහන් කළේ එම පෙරමුණේ තරුණ සමුළුව අමතමින්.

අද පස්වරුවේ කොළඹ නෙළුම් පොකුණ පරිශ්‍රයේදී ශ්‍රී ලංකා පොදුජන තරුණ පෙරමුණේ ජාතික මහා සම්මේලනය පැවැත්වුණා.

මේ අවස්ථාවට හිටපු ජනාධිපති මහින්ද රාජපක්ෂ ,පොදුජන පෙරමුණේ නිර්මාතෘ හිටපු අමාත්‍ය බැසිල් රාජපක්ෂ ඇතුළු පිරිසක් එක්ව සිටියා.