අලුත් පරම්පරාවට ඉඩදීමට දේශපාලනයට සමුදුන් ප්‍රභලයා..

politics Prime minister Najeeb Mikathi Lebonon International news
By Sewvandhi Mar 15, 2022 10:58 AM GMT
Sewvandhi

Sewvandhi

in එතෙර
Report

එළඹෙන මැයි මාසයේ පැවැත්වෙන පාර්ලිමේන්තු මැතිවරණයට තමා ඉදිරිපත් නොවන බව ලෙබනනයේ අග්‍රාමාත්‍ය නජිබ් මිකාති පවසයි.

එම මැතිවරණය මැයි 15 වනදා පැවැත්වීමට නියමිත ය. වසර තුනක පමණ සිට දැඩි ආර්ථික අර්බුදයකට මුහුණපා සිටින ලෙබනනය ඔහුගේ මෙම තීරණයෙන් දේශපාලන අර්බුදයකත් මුහුණ දීමට ඉඩ ඇති බව විදෙස් මාධ්‍ය පවසයි.

විශේෂයෙන්ම සුන්නි දේශපාලන කටයුතු සඳහා ද එම තීරණය දැඩි බලපෑමක් ඇති කළ හැකි බව සඳහන් වෙයි. ලෙබනනයේ හිටපු අගමැතිවරයෙක් වන සාඩ් හරිරි ද තමා දේශපාලනයෙන් ඉවත්වන බව පසුගිය ජනවාරි මාසයේ පැවසීය.

"Future Movement" නම් ඔහුගේ දේශපාලන පක්ෂයට පාර්ලිමේන්තුවේ මන්ත්‍රීවරු 20 දෙනෙක් සිටින අතර ඉදිරි මැතිවරණය සඳහා ඔවුන්ද ඉදිරිපත් නොවන බව පවසයි.

ලෙබනන් පාර්ලිමේන්තුවේ මන්ත්‍රීවරු 128 දෙනෙක් සිටින අතර එය ආගමික සම්භවය අනුව වෙන්කර තිබේ. ඒ අනුව සුන්නි පාර්ශවය සඳහා අසුන් 27ක් වෙන්කර ඇති අතර ඉන් රැසක් සඳහා මන්ත්‍රීවරුන් පත්කරගත යුතුය. මිකාති පැවසුවේ "අලුත් පරම්පරාව" සඳහා අවස්ථාව ලබාදීමට තමා දේශපාලනයෙන් ඉවත්වන බවය.

ලෙබනනයේ ආර්ථිකයට මොකද වුණේ ?

2019 වසරෙන් පසුව ලෙබනනය දැඩි ආර්ථික අර්බුදයකට මුහුණ දෙමින් සිටින අතර මේ වනවිට එරට මුදල් ඒකකයේ වටිනාකම 90%කින් පමණ බාල්දුවී තිබේ.

එසේම මේ වනවිට එරට පවුල් මිලියන 4ක් පමණ දරිද්‍රතාවයට තල්ලුවී ඇති බවද සඳහන් ය. ලෙබනනය 1975 සිට 1990 දක්වා සිවිල් යුද්ධය හේතුවෙන් බැට කෑ අතර අනතුරුව බලයට පත් රජයන් යටතේ එරට රාජ්‍ය ණය සීඝ්‍රයෙන් වැඩිවිය.

කලක් මැද පෙරදිග ස්විස්ටර්ලන්තය ලෙස හඳුන්වා දුන් ලෙබනනයට වර්තමාන ආර්ථික අර්බුදය මතුවූයේ එරට පාලකයින්ගේ දුර්වලතා බව පිළිගත් මතයකි. එරට ප්‍රධාන ආදායම විදෙස්ගත ශ්‍රමික ප්‍රජාව සම්ප්‍රේෂණය කරනු ලබන ඉපයීම්ය.

නමුත් රට තුළ ආගමික කල්ලිවාදය සහ හිස්බුල්ලා සංවිධානය ශක්තිමත් වීමත් සමගම රටට ගලාඑන සම්ප්‍රේෂණ ප්‍රමාණය ක්‍රමයෙන් අඩුවිය. එසේම සංචාරක ආදායමද පහළ ගියේය.  


සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... 
Join Now