කතරගම දෙවියන් ජීව මානව භාවනා කරන ස්‌ථානයේ අමන වැඩක් කළ ජනප්‍රිය සිනමා පට අධ්‍යක්‍ෂකවරයකුට සිදු වූ දේ මෙන්න.

යාල ජාතික වන උද්‍යානයට අයත් අංක 02 කලාපයේ රමණිය කුඹුක්‌කන්ඔය ආසන්නයේ ඇති මෙම සියඹලා දේවාලය හෙවත් කැබිලිත්ත දේවාලය ඈත අතීතයට උරුමකම් කියා පාන ඓතිහාසික ගුප්ත වු ස්‌ථානයක්.

කිසිදු ගොඩනැගිල්ලක්‌ නොමැති මෙම ස්‌ථානයේ අඩි 9 ක්‌ පමණ උසින් යුතු සියඹලා ගසක්‌ පවතින අතර මෙම ස්‌ථානයට ආසන්නයේ ඕකන්ද ඓතිහාසික දේවාලය ද කුමන ජාතික වන උද්‍යානද මායිමේ පිහිටා තිබේ.

නිතර අතුපතු ගෑ පරිදි සකස්‌ වු කුඩා බිම් තිරුවක මෙම සියඹලා රුක හට ගෙන තිබෙන අතර.

මෙම සියඹලා ගස මුල් කරගෙන බැතිමතුන් පුද පුජාවන් සිදු කරති.

කතරගම දෙවියන් ජන සමාජය හදුනා ගනු ලබනුයේ දුටු ගැමුණු මහා රජතුමා කතරගම දේවාලය ඉදිකිරීමෙන් පසුවයි. කතරගම දේවාලය ඉදිකිරීමට පෙර සිටම මෙම අඩවිය

කතරගම දෙවියන්ගේ අණසක පැතිර තිබූ බිමක්‌ බව කතරගම දේවාලයේ ප්‍රධාන කපු මහතා වන සොමීපාල ටී රත්නායක මහතා පවසයි.

කැබිලිත්ත භූමිය ඓතිහාසික වශයෙන් වැදගත් වන්නේ මෙහි ඇති ගුප්ත වූ හාස්‌කම් රැසක්‌ හේතුවෙනි.

1602 දී අප දිවයින ආක්‍රමණය කළ ඕලන්දක්‌කාරයින් විසින් දේවාල පන්සල් කොල්ලකමින් දේශිය උරුමයන් වනසමින් සිටි සමයේ දී කතරගම දේවාලයේ වස්‌තුව රැක ගැනිමට පාරම්පරික කපුවරුන් සිය දිවිහිමියෙන් ක්‍රියා කරනු ලැබීය.

ඕලන්දක්‌කාරයින් රුහුණු ප්‍රදේශයට පැමිණීම නිසා දේවාලයේ රහසිගත වු වස්‌තුන් සියල්ල රැගෙන කපුමහත්වරුන් මෙම සියඹලා දේවාලය පිහිටි භූමියට පැමිණියහ.

කැබිලිත්තට පැමිණි කපු මහත්වරුන් ඔවුන්ට නෑකම් කියන කැබිලිත්තේ රාළ නම් පුද්ගලයකුට දේවාලයේ වටිනා වස්‌තුව රැක දෙන ලෙස ඉල්ලා දෙවියන්ගේ වස්‌තුව අසළ සියඹලාගස්‌ බෙනයක්‌ තුළ සඟවා උදේ සවස පුජා වර තුනක්‌ කළ බව පැවසේ.

කැබිලිත්තේ රාළ නම් පුද්ගලයා ඉතා උස හැඩි දැඩි ශක්‌තිවන්තයකු වන අතර දුවන මී හරකුන් අල්ලා ගස්‌ බැද හීලෑ කිරීමට තරම් දක්‌ෂතාවක්‌ ඇති අයකු බව පැවසේ.

උඩු රැවුලක්‌ ඇති මෙම කැබිලිත්ත රාළ දෙවියන්ගේ වස්‌තුව රැක ගෙන මාස කීපයක්‌ මෙම ස්‌ථානයේ සියඹලා ගසට පුද සත්කාර කරමින් දෙවියන්ගේ වස්‌තුව රැක ගනු ලැබීය.

මේ අතරතුර පානම ප්‍රදේශයට ඕලන්දක්‌කාරයින් පැමිණියේ විශාල පිරිසක්‌ සමගයි.

දේවාලයේ වස්‌තුව ඇති ස්‌ථාන සොයමින් පැමිණි ඕලන්දක්‌කාරයින් මෙම සියඹලා ගස පිහිටි ස්‌ථානයට ද පැමිණි අතර ඕලන්දක්‌කාරයින් 10 දෙනෙකු සමග තියුණු සටනක්‌ කරන්නට කැබිලිත්තේ රාළට සිදුවිය.

ඔහු තනිවම තියුණු සටනක්‌ කර ඕලන්දක්‌කාරයන් මරා දැමිය.

සටනේ දී සිදු වු තුවාල නිසා කැබිලිත්තේ රාළ මරණාසන්න තුවාල ලබා මෙම ස්‌ථානයේ දී මිය ගිය අතර මිය යන මොහොතේ තමන් කුමන හෝ බළවේගයකින් කතරගම දෙවියන්ට අයත් වස්‌තුව රැක ගන්නා බවට කළ ප්‍රාර්ථනයක්‌ නිසා කැබිලිත්තේ රාළ මිය යැමෙන් පසු අදෘෂ්‍යමාන බළවේගයකින් මෙම භූමියේ අරක්‌ගෙන සිටින බව පැවසේ.

කතරගම දෙවියන්ගේ වරම් ගෙන මෙම ප්‍රදේශයේ සැරිසරන කැබිලිත්තේ රාළ මිය ගිය පසුව දේවාලයේ වස්‌තුව නැවත කතරගම පාරම්පරික කපුවරුන් පැමිණ රැගෙන ගොස්‌ දේවාලයේ තැන්පත් කළ බව කතරගම දේවාලයේ ප්‍රධාන කපු මහතා වන සොමීපාල ටී රත්නායක මහතා පවසයි.

පසුව මිය ගිය කැබිලිත්ත රාළගේ නමින් මෙම අඩවිය නම් කරනු ලැබිය.එතැන් සිට මෙම සියඹලා ගස පිහිටි භුමිය ඓතිහාසික භුමියක්‌ ලෙස පැරන්නන් නම් කරනු ලැබීය.

මෙහි නොපෙනෙන දේවාලයක්‌ද පවතින බව ජනප්‍රවාදයේ එන අතර මහා හාස්‌කම් රැසක්‌ පවතින කිසිදු නිදන් සොරකුගේ ඇසට නොපෙනෙන තළගුලු වෙහෙර සහ නිල් මානෙල් පැළැස්‌සද මෙම භූමියේ පිහිටා ඇති බව පැරන්නන් පවසයි.

කතරගම දෙවියන් භාවනානු යෝගීව වැඩ වසන භූමියක්‌ ලෙස මෙම දේව අඩවිය හඳුන්වනු ලබයි.

මෙම භූමියට අතීතයේ දී හේන් ගොවියන් තම අස්‌වැන්න නෙලා ලබා ගත් අලුත් බව භෝග ගෙන පුද පූජාවන් තැබීමට පැමිණි අතර වනයේ දඩයම් කිරීමට එන දඩයම්කරුවන් දෙවියන්ට මස්‌ තළප තබා පුද සත්කාර කළ බව පැවසේ.

මෙම සියඹලා දේවාලය අවට විශාල බෝධියක්‌ද පවතින අතර මේ වටා ඇති වනයේ වෙහෙර විහාර රැසක නටබුන් රැසක්‌ අදත් දක්‌නට ලැබේ.

1818 ඌවේ කැරැල්ල සමයේ දී වීරකැප්පෙටිපොල නිළමේතුමන්ද මෙම ස්‌ථානයට පැමිණ පුද පූජාවන් තබා දේව ආශිර්වාදය ලබා ගත් බව ඉතිහාසයේ කියවේ.

ජනයාගෙන් වෙන් වූ මෙම භූමියට එදා ඉදහිට ගැමියන් පැමිණි අතර වසර 30 ක්‌ යුද්ධය පැවතිමත් සමග මෙම ඓතිහාසික භූමියට කිසිවකු පැමිණ නොමැත.

යුද්ධය අවසන් වීමත් සමග මෙම ඓතිහාසික භූමියට භූතයින් අරක්‌ගත් පරිදි විවිධ පුද්ගලයන් පැමිණිමත් සමග නිසලව පැවති භූමිය විවිධ අයුරින් අපවිත්‍ර වීමත් සමග තිබු ගෞරවාන්විත බව නැති වී තිබේ.

මෙයට අමතරව ගං ඉවුරු තුළ වැසිකිළි සෑදීමත් සමග විශ්‍රාම ශාලා ස්‌වරූපයක්‌ මෙන් පරිසරය හැඩ ගැසුණු අතර කැබිලිත්ත දේවාලයට දඹදිව සංචාරකයන් ව්‍යාපාරයක්‌ මෙන් විවිධ පුද්ගලයන් විසින් සංචාරක නඩ සුදානම් කරමින් සුදුස්‌සන් මෙන්ම නොසුදුස්‌සන්ද රැගෙන පැමිණියහ.

මෙම දේවාලයට පැමිණීමට මාර්ග තුනක්‌ ඇත. යාල අංක 02 ඔස්‌සේ මැණික්‌ ගග තරණය කර පැමිණිය හැකි අතර, ගල්ගේ මුර පොළ අසළින්ද කොටියාගල කුමණ ප්‍රදේශයෙන් ද මෙම භුමියට පැමිණීමට හැකි මාර්ගවේ.

දැඩි ලෙස දුෂ්කර වු මංමාවත් පසු කර ගෙන පැමිණිය යුතු මෙම වන්දනා ගමන සඳහා විශාල මුදලක්‌ වැය වේ.

එක්‌ ජීප් රථයක්‌ සදහා රුපියල් තිස්‌පන්දාහත් - හතලිස්‌දාහත් (35000 - 40000ත් ) අතර මුදලක්‌ අය කරනු ලබන අතර ගමනට ජීප් රථ දෙකක්‌ යැමට සිදුවන්නේ මගදී හමුවෙන ජලය පිරි ආරවල්, මඩවළවල් තරණය කිරීම සදහායි.

මේ වන විට කතරගම මූලික ප්‍රධාන දේවාලය අමතක කර දැමු බොහෝ පිරිසක්‌ මෙම උතුම් භූමියට පැමිණීම දැඩි ලෙස වැඩි වී ඇත.

පැමිණෙන පිරිස්‌ අතර ශ්‍රද්ධාවෙන් පේවී එන අයද, විනෝද සංචාරයන් ලෙස පැමිණෙන අයද සිටින අතර මෙසේ පැමිණි පිරිස්‌ අතරින් වැඩි පිරිසකට සෙතක්‌ වුවාට වඩා අවැඩක්‌ වු අවස්‌ථා රැසක්‌ පවතී.

අපවත් වී වදාළ බලංගොඩ ආනන්ද මෛත්‍රෙය නාහිමියන්ද කතරගම දෙවියන් ජීව මානව භාවනා කරන ස්‌ථානයක්‌ බවට මෙම ස්‌ථානය හැඳීන් වූ සේක.

භාවනානු යෝගී ස්‌වාමීන් වහන්සේලා සිටින ආරණ්‍යකට අප යන විට දී නිශ්ශබ්දතාව රකිමින් පියමන් කරමින් පරිසරයටවත් නොදැනෙ ලෙස ගමන් කළ යුතු වේ.

එවැනිම අයුරින් පැවතිය යුතු පරිසරයක්‌ වු මෙම බිමේ විවිධ පැතිවලින් පැමිණ පුද පුජාවන් තබා මුදල් උපයන හොර කපුවන් පිරිසක්‌ද නිතරම පැමිණ අධික ලෙස මුදල් ඉපයීම පටන් ගෙන ඇත.

මෙම ස්‌ථානයේ සිටින අදෘෂ්‍යමාන දේවතාවන්ගෙන් උදහසට ලක්‌ව පීඩා විඳීන විශාල පිරිසක්‌ ද සිටිති.

මෙම භූමියේ දී නිතර අවැඩත් කරන අයට දඩුවම් දීමට නිතරම ජීවමානව පෙනි සිටින්නේ අලි ඇතුන්ය.

මෙයට අමතරව වළසා, ඌරා, නාගයා විටින් විට පැමිණෙන අතර මෙම ස්‌ථානයේ විවිධ ව්‍යාපාරිකයන් විසින් සිදු කරනු ලැබූ ඉදිකිරීම්, පහන් පැල සුඵ වේලාවකින් මෙම අලින් පැමිණ බිමට සමතලා කරනු ලබන්නේ නැවත කිසිදු අයුරකින් ඉදිකිරීමක්‌ සිදු කරන්නට ඉඩ නොතබමින්ය.

මේ වන විට මෙම පුදබිම ආසන්නයේ යුද හමුදා කදවුරක්‌ද ස්‌ථාපිත කිරීම නිසා පුදබිම යන්තම් හෝ බේරී පවති.

කාන්තාවන්ට කිසිදු අයුරකින් මෙම සීමාවට පැමිණීමට ඉඩ නොදෙන අතර කාන්තාවන් සමග පැමිණි බොහෝ පිරිසකට හිරිහැර සිදුව තිබේ.

කුමන පුද්ගලයකු පැමිණිය ද දේව අඩවියේදී පරිසරයට සතා සිවුපාවට කරුණාව දැක්‌වීමට පැමිණෙන බොහෝ අය ක්‍රියා කරනු ලබන අතර මෙම සීමාවේදී වැරදි කළ අයට ක්‍ෂණිකව ලැබුණු දඩුවම් පිළිබදව උදාහරණ කිහිපයක්‌ මෙහි පහත දැක්‌වේ.

නැසිගිය ප්‍රවීණ රංගන ශිල්පී ජෝ අබේවික්‍රම මහතා දැව සංස්‌ථාවේ සභාපතිව සිටි සමයේදී මෙම කුමණ ප්‍රදේශයට පැමිණි ඔහුගේ හිතවතෙතු වු ගුවන් විදුලි හා සිනමා පට අධ්‍යක්‍ෂකවරයකු මෙම දේව අඩවියේ දී වනයේ වටිනා කලුවර ගස්‌ කපා රැගෙන යන්නට සුදානම් කරනු ලැබිය.

මෙම අධ්‍යක්‍ෂකවරයාට සිදු වු දෙය අදටත් සොයා ගැනීමට නොහැකි පරිදි ඔහු අතුරුදහන් විය.