ජූලි අස්වැසුම දීමනා අද බැංකු ගිණුම් වෙත

අස්වැසුම සුබසාධක ප්‍රතිලාභ යෝජනා ක්‍රමයට අදාළ 2026 ජූලි මාසයේ දීමනා අද (15) ප්‍රතිලාභීන්ගේ බැංකු ගිණුම් වෙත බැර කරන බව සුබසාධක ප්‍රතිලාභ මණ්ඩලය නිවේදනය කරයි.

ඒ අනුව, පළමු අදියර යටතේ ප්‍රතිලාභී පවුල් 1,012,812ක් සඳහා රුපියල් 9,357,346,250ක මුදලක් අද බැංකු ගිණුම් වෙත බැර කිරීමට නියමිතය.

එමෙන්ම, දෙවැනි අදියර යටතේ ප්‍රතිලාභී පවුල් 211,647ක් සඳහා රුපියල් 2,468,250,000ක මුදලක් ද අද දිනයේ අදාළ අස්වැසුම බැංකු ගිණුම් වෙත බැර කෙරෙන බව එම මණ්ඩලය සඳහන් කළේය.

ඒ අනුව, අද දිනයේ අදියර දෙක යටතේ පවුල් 1,224,459ක් සඳහා සමස්ත වශයෙන් රුපියල් 11,825,596,250ක (රුපියල් බිලියන 11.83කට ආසන්න) අස්වැසුම ප්‍රතිලාභ මුදලක් ගෙවීමට නියමිතව තිබේ.