හදිසි අනතුරකින් තුවාල ලැබූ රංගන ශිල්පී ජැක්සන් ඇන්තනී මහතාට සිදුවූ දේ.(PHOTOS)
Sri Lanka
Accident
By Aruna
අනුරාධපුර - තලාව මාර්ගයේ මොරගොඩ ප්‍රදේශයේ වල් අලියකුගේ සිරුරේ ගැටීමෙන් රෝහල්ගත කළ රංගන ශිල්පී ජැක්සන් ඇන්තනී අනුරාධපුරයේ සිට කොළඹ ජාතික රෝහලට මාරුකර ඇති අතර ශල්‍යකර්මයකට භාජනය කර ඇති බව රෝහල් ආරංචි මාර්ග පවසනවා.
අනතුර සිදුවන අවස්ථාවේ ප්‍රවීන රංගන ශිල්පී ජැක්සන් ඇන්තනී ඇතුළු තිදෙනකු එම මෝටර් රථයේ ගමන්කර ඇති අතර, අනතුරත් සමග කැබ් රථය උඩට වල් අලියා ඇද වැටීමෙන් වාහනයට ද දැඩි හානි සිදුව ඇති බවයි වාර්තා වන්නේ.
මෙම සිද්ධියෙන් තුවාල ලබා ඇත්තේ ප්‍රවීන රංගන ශිල්පියකු වන ජැක්සන් ඇන්තනි මහතා සමඟ ගමන්ගත් සමන් ඇන්තනී හා ඉරේෂ් යන අයයි .
මොරගොඩ ප්‍රදේශවාසීන් හා තලාව පොලිසියේ නිලධාරීන්ගේ එකතුවෙන් මෙම තුවාලකරුවන් තිදෙනා එම අවස්ථාවේ අනුරාධපුර ශික්ෂණ රෝහලට ඇතුළත් කරනු ලැබුවා.
සිව්දෙසින් ගලා එන තොරතුරු සැමට කලින්, එසැනින් දැන ගන්න පුවත් WhatsApp,වෙත පිවිසෙන්න.... |
