ඒක පාර්ශවීය ප්‍රේමයක් නිසා 05 දෙනෙකු රෝහලට යැවූ ඛේදවාචකය..
ඒක පාර්ශ්වීය පෙම් සබදතාවයකට තරුණිය හා ඇගේ දෙමව්පියන් කමැත්ත පල නොකිරීම නිසා යාපනයේ තාවඩි ප්‍රදේශයේ නිවසකට එල්ල වූ පෙට්‍රල් බෝම්බ ප්‍රහාරයකින් පස් දෙනෙකු තුවාල ලබා 16 දා යාපනය ශීක්ෂණ රෝහලට ඇතුළත් කොට තිබෙන බව වාර්තා වනවා.
යාපනයේ තාවඩි වන්නිසිංහම් පාරේ පිහිටි මෙම නිවසේ සිටි තරුණියක් පිළිබදව යාපනයේ උරුම්පිරායී ප්‍රදේශයේ තරුණයෙකුට සිතක් පහල වී ඇති බවයි වාර්තා වෙන්නේ.
තරුණියගෙන් මේ පිළිබදව විමසූ අවස්ථාවේදී ඇය ඊට අකැමති වී ඇති අතර පසුව එම තරුණයා තරුණියගේ දෙමව්පියන්ගෙන් ඉල්ලීමක් කරමින් තරුණිය විවාහ කොට දෙන ලෙස යෝජනා කොට තිබෙන බවයි වාර්තා වන්නේ.
එම යෝජනාවටද සියළු දෙනා විරුද්ධ වීමෙන් පසුව තරුණයාගේ යහලුවන් පිරිසක් සමග පැමිණ එම නිවසට පෙට්‍රල් බෝම්බ ප්‍රහාරයක් එල්ල කොට ඇති බවයි වාර්තා වන්නේ.
එම ප්‍රහාරයෙන් නිවසේ සිටි පස් දෙනෙකු පිළිස්සුම් තුවාල ලබා ඇති අතර නිවසටද නිවසේ නතර කොට තිබූ ත්‍රී රෝද රථයකට හා යතුරු පැදියකටද අලාභ හානි සිදුව ඇත.
සිද්ධිය සම්බන්ධයෙන් මෙතෙක් කිසිවෙකුත් අත් අඩංගුවට ගෙන නොමැති අතර යාපනය පොලීසිය සිද්ධිය සම්බන්ධයෙන් පරික්ෂණ පවත්වා ගෙන යනු ලබනවා.
