ජපානයේ අයිෆෝන් මිල සියයට 11කට වැඩියෙන් ඉහළට

ඇපල් සමාගම ජපානයේ අලෙවි කරන අයිෆෝන් (iPhone) දුරකථනවල මිල සාමාන්‍යයෙන් සියයට 11.3කින් ඉහළ නංවා තිබේ.

ජාත්‍යන්තර මාධ්‍ය වාර්තා කළේ, ගෝලීය චිප් හිඟය, නිෂ්පාදන පිරිවැය ඉහළ යාම සහ සැපයුම් දාමයට එල්ල වී ඇති පීඩනය මෙම මිල සංශෝධනයට ප්‍රධාන හේතු වී ඇති බවයි.

මෙම මිල වැඩිවීම මුලින්ම ජපාන වෙළෙඳපොළ තුළ ක්‍රියාත්මක කර ඇති අතර, ඉදිරියේදී අනෙකුත් රටවලද ඒ හා සමාන මිල ගැලපීම් සිදුකිරීමේ හැකියාවක් පවතින බව විදෙස් මාධ්‍ය වාර්තා කරයි.

කෙසේ වෙතත්, අනෙකුත් රටවල මිල සංශෝධන ක්‍රියාත්මක කරන දිනයන් හෝ ඒ සම්බන්ධයෙන් නිල නිවේදනයක් මේ දක්වා ඇපල් සමාගම නිකුත් කර නොමැත.