ලොවක් බිය ගන්වමින් 38 දෙනෙකුට මරණ දඩුවම් නියම කළ රාජ්‍යය.

2008 වසරේ බටහිර ගුජරාට් ප්‍රාන්තයේ සිදුවූ බෝම්බ පිපිරීම් මාලාවකට සම්බන්ධ පුද්ගලයන් 38 දෙනෙකුට ඉන්දියාවේ අධිකරණයක් මරණ දඬුවම නියම කර තිබෙන බව විදෙස් මාධ්‍ය වාර්තා කරනවා

ගුජරාට් ප්‍රාන්තයේ වාණිජ අගනුවර වන අහමදාබාද්හි සිදු වූ බෝම්බ ප්‍රහාරවලින් පුද්ගලයන් පනස් හත් දෙනකු මිය ගිය අතර සිය ගණනක් තුවාල ලැබුවා.

අහමදාබාද්හි අධිකරණය තවත් වැරදිකරුවන් 11 දෙනෙකුට ජීවිතාන්තය දක්වා සිර දඬුවම් නියම කර තිබෙනවා අහමදාබාද් බෝම්බ ප්‍රහාරයේ දී පුද්ගලයන් 78 දෙනෙකු නඩු විභාගයට මුහුණ දෙනු ලැබූ බවයි විදෙස් මාධ්‍ය පවසා තිබෙන්නේ

එක් විත්තිකරුවෙකු වන අයාස් සයීඩ් පසුව විමර්ශන ආයතනවලට උදව් කර ඇති බවත් ඉතිරි 28 දෙනා නිදොස් කොට නිදහස් කර ඇති බවත් සඳහන් චූදිතයන්ට තම දඬුවම් පිළිබඳව ඉහළ අධිකරණයකදී අභියෝගයට ලක් කළ හැකියි. 

 2008 ජූලි 26 වන දින අහමදාබාද්හි නේවාසික ප්‍රදේශ, වෙළඳපල ස්ථාන, පොදු ප්‍රවාහනය සහ රෝහල් හරහා පැයක් ඇතුළත බෝම්බ 20ක් පමණ පුපුරා ගියා. ඉන්දියන් මුජාහිදීන් නම් නාඳුනන ඉස්ලාමීය සටන්කාමී කණ්ඩායමක් සමහර මාධ්‍ය ආයතන වෙත යවන ලද විද්‍යුත් තැපෑලකින් ප්‍රහාරවල වගකීම භාරගෙන තිබුණා

පූනේ හි ජර්මානු බේකරියකට එල්ල වූ ප්‍රහාරයකින් පුද්ගලයන් 17 දෙනෙකු මිය ගොස් විශාල සංඛ්‍යාවක් තුවාල ලැබූ සිද්ධියට චෝදනා එල්ල වූ ඉන්දීය රජය 2010 දී මෙම කණ්ඩායම ත්‍රස්තවාදී සංවිධානයක් ලෙස ප්‍රකාශයට පත් කර එය තහනම් කළා.

ඉන්දියන් එක්ස්ප්‍රස් පුවත්පතට අනුව, නඩු විභාගය අතරතුර පැමිණිල්ල විසින් සාක්ෂිකරුවන් 1,163 දෙනෙකු විභාග කර තිබෙනවා විපතට පත් වූවන්ගේ පවුල්වලට රුපියල් 100,000 (පවුම් 982; ඩොලර් 1,337) බැගින් වන්දි ලබා දෙන ලෙස ද විනිසුරු ඒආර් පටෙල් නියෝග කළ බවයි විදෙස් මාධ්‍ය සඳහන් කරන්නේ.