ණය හිමියන් හා දෙවන වටයේ සාකච්ඡා වලට සිදු වූ දේ, මුදල් ඇමති කියයි
මුදල් රාජ්‍ය අමාත්‍ය ෂෙහාන් සේමසිංහ මහතා පැවසුවේ ණය හිමියන් සමඟ ශ්‍රී ලංකාවේ දෙවන වටයේ සාකච්ඡා සාර්ථකව අවසන් වූ බවයි.
චීනය, ඉන්දියාව සහ ජපානය ඇතුළු නීති උපදේශකයින්, මූල්‍ය උපදේශකයින් සහ ප්‍රධාන ණය හිමියන් මෙම සාකච්ඡාවට එක් වූ බව ඔහු පැවසීය.
ආධාර ලබාගැනීමට සහ රටේ ණය ප්‍රතිව්‍යුහගත කිරීම සඳහා මාර්තු මාසයේ සිට ප්‍රතිසංස්කරණ කිහිපයක් සිදු කරන ලදී. සියලුම ණයහිමියන් සමඟ විනිවිදභාවයෙන් යුතුව කටයුතු කිරීමට ශ්‍රී ලංකාව එකඟ වී ඇති බවද රාජ්‍ය අමාත්‍යවරයා වැඩිදුරටත් පැවසීය.
ශ්‍රී ලංකා මහ බැංකුව සහ මුදල් අමාත්‍යාංශය විසින් ණයහිමියන් සමඟ එක්ව අවශ්‍ය තොරතුරු සහ පැහැදිලි කිරීම් ලබා දීමට කටයුතු කරන බව දන්වා ඇත.
ශ්‍රී ලංකාව ණය හිමියන්ගෙන් සහතිකයක් ලබා ගත් වහාම IMF අධ්‍යක්ෂ මණ්ඩලයේ අනුමැතිය ලබා දෙන බවත්, මෙම ක්‍රියාවලිය සඳහා මෙම සාකච්ඡා ඉතා වැදගත් බවත් රාජ්‍ය මුදල් අමාත්‍යවරයා පැවසීය. 2022 අවසන් වන විට ජාත්‍යන්තර මූල්‍ය අරමුදලෙන් ආධාර ලැබීමට ශ්‍රී ලංකාව අපේක්ෂා කරයි.
