හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර අත්අඩංගුවට..! (VIDEO)
හිටපු පාර්ලිමේන්තු මන්ත්‍රී සහ සමගි වනිතා බලවේගයේ (SVB) ජාතික සංවිධායක හිරුණිකා ප්‍රේමචන්ද්‍ර කොළඹ පැවති විරෝධතාවයකින් අනතුරුව අත්අඩංගුවට ගෙන තිබේ.
නොවැම්බර් මස සමරනු ලබන "කාන්තා හිංසනය පිටුදැකීමේ ජාත්‍යන්තර දිනය" නිමිත්තෙන් කාන්තා හිංසනයට තිත තබන ලෙස ඉල්ලා සමගි වනිතා බලවේගය විසින් උද්ඝෝෂණයක නිරත වී තිබුණි.
මාධ්‍ය වෙත අදහස් දක්වමින් හිටපු පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර මහත්මිය කියා සිටියේ ශ්‍රී ලංකාවේ කාන්තා හිංසනයන් ඉස්මතු කිරීම සඳහා වේදිකා නාට්‍ය පාදක කරගත් පෙළපාලියක් අද කොළඹ එක්සත් ජාතීන්ගේ කාර්යාලය ඉදිරිපිට පැවැත්වීමට සංවිධානය කර තිබූ බවයි.
කෙසේ වෙතත්, නිදහස් චතුරස්‍රයෙන් ආරම්භ වූ ඔවුන්ගේ විරෝධතා පාගමන කොළඹ 07 ජනාධිපතිවරයාගේ පෞද්ගලික නිවස අසලින් පොලිසිය විසින් අවහිර කළ බව ඇය පැවසුවාය.
විරෝධතාකරුවන් දෙදෙනෙකු ද පොලිසිය විසින් අත්අඩංගුවට ගෙන ඇති අතර, එහි ප්‍රතිඵලයක් ලෙස නොසන්සුන්කාරී තත්ත්වයක් ඇති විය. ඉන් අනතුරුව හිරුණිකා ප්‍රේමචන්ද්‍ර ඇතුළු ඉතිරි විරෝධතාකරුවන් කුරුඳුවත්ත පොලිසිය ඉදිරිපිට නව විරෝධතාවක් දියත් කළේ විරෝධතාකරුවන් සියලු දෙනා එක්ව අත්අඩංගුවට ගන්නා ලෙසය.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... |
