ඉන්ධන සම්බන්ධයෙන් ඛණිජ තෙල් ඇමතිගෙන් විශේෂ දැනුම්දීමක්..
ලංකා ඛනිජ තෙල් නීතිගත සංස්ථාව (CPC) දිවයින පුරා අඛණ්ඩව ඉන්ධන සැපයීම සිදු කරන බව විදුලිබල හා බලශක්ති අමාත්‍ය කාංචන විජේසේකර මහතා සහතික වී තිබෙනවා.
‘X’ පණිවුඩයක් නිකුත් කරමින් අමාත්‍ය විජේසේකර මහතා පැවසුවේ, CPC විසින් සියළුම නිෂ්පාදන වල තොගයක් පවත්වාගෙන යන බැවින් අඛණ්ඩ ඉන්ධන සැපයුමක් ලබා දෙන බවයි.
"වාර්ෂික නඩත්තු හා සේවා කටයුතු කරගෙන යන පිරිපහදුව අගෝස්තු මස මැද භාගයේ නැවත සිය මෙහෙයුම් ආරම්භ කරනු ඇත," ඔහු වැඩිදුරටත් පැවසීය.
ඉදිරි මාස 6 සඳහා ඉන්ධන භාණ්ඩ ප්‍රවාහන සැලැස්ම, තොග ලබා ගැනීමේ හැකියාව, ගබඩා කිරීමේ ධාරිතාව, බෙදා හැරීමේ සැලැස්ම, ඇණවුම් ලබා දීම සහ පිරිපහදු මෙහෙයුම් පිළිබඳව CPC කළමනාකාරිත්වය සමඟ ඊයේ සමාලෝචනය කිරීමෙන් අනතුරුව අමාත්‍යවරයා මෙම යාවත්කාලීනය ලබා දී තිබේ.
ලංකා ඉන්දියන් ඔයිල් සමාගම (LIOC), චයිනා පෙට්‍රෝලියම් ඇන්ඩ් කෙමිකල් කෝපරේෂන් (සිනොපෙක්) සහ එක්සත් ජනපදය පදනම් කරගත් ආර්එම් පාර්ක්ස් ඉන්කෝපරේෂන් හි තොග සහ භාණ්ඩ ප්‍රවාහන සැලසුම් ද සමාලෝචනය කළ බව ද අමාත්‍ය කාංචන විජේසේකර අනාවරණය කළේය.
