ඉන්ධන පිරවුම්හලකදී හමුදා සෙබළකුට පහර දුන් පුද්ගලයාට සිදු වු දේ

ගම්පොල - ඉන්ධන පිරවුම්හලක ආරක්ෂාවට යොදවා සිටි යුද හමුදා සෙබළෙකුට පහරදුන් පුද්ගලයෙකු පොලිසිය අත්අඩංගුවට ගෙන තිබෙනවා.

ඊයේ (10) රාත්‍රියේ අදාළ පිරවුම්හලෙන් ඉන්ධන ලබාගැනීමට පැමිණි ටිපර් රථ රියදුරෙකු විසින් බූලියකට ඉන්ධන ඉල්ලා එසේ ලබා නොදෙන බව යුද හමුදා සෙබළා විසින් ප්‍රකාශ කිරීමත් සමඟ මෙම පහරදීම සිදුකර ඇති බවයි පොලිසිය සඳහන් කළේ.

පසුව සැකකරු ද තමාට පහරදුන් බව පවසමින් රෝහල්ගත වී ඇති අතර, ඔහු අත්අඩංගුවට ගෙන ඇත්තේ එම අවස්ථාවේදියි. ඔහු පොලිස් ආරක්ෂාව යටතේ මේ වනවිට ගම්පොල රෝහලේ ප්‍රතිකාර ලබන බව පොලිස් මාධ්‍ය කොට්ඨාසය පැවසුවා.