සිදුවෙන්න ගිය මහා විනාශයක් ආරක්ෂ අංශ සහ පිරිසක් එක්වී නතර කරයි..

කඳානේ පිහිටි සමුපකාර ඉන්ධන පිරවුම්හලට කිසියම් පුද්ගලයෙකු හෙල්මටයකට ගිනි තබා විසි කර තිබේ.

එහි ආරක්ෂාවට යොදවා සිටි පොලිස් නිලධාරීන් හා ඉන්ධන හලේ සේවකයන් වහා ක්‍රියාත්මක වී එම ගින්න නිවා දැමීමට පියවර ගෙන ඇත.

ඒ හේතුවෙන් සිදුවීමට ගිය මහා විනාශයක් වළක්වා ගැනීමට හැකි වූ බව පොලීසිය සඳහන් කළේය.

පිරවුම්හලට ඉන්ධන ලැබීමෙන් පසු ඉන්ධන නිකුත් කරමින් යන අතරවාරයේ දී මෙම සිදුවීම සිදුව තිබේ.

හෙල්මටය විසි කළ පුද්ගලයා පලාගොස් ඇති අතර පොලිසිය ඔහු සොයා පරීක්ෂණ සිදුකරමින් සිටින බවද කියා සිටී.