ත්‍රිවිධ හමුදාවේ, පොලීසියේ මෙන්ම තවත් රාජ්‍ය සේවක පිරිසකට රජයෙන් නොමිලේ ලැබෙන දෙය.. එතකොට අනිත් අයට?..

ජනාධිපති රනිල් වික්‍රමසිංහගේ සංකල්පයකට අනුව රජයේ ඉඩම් සඳහා කොන්දේසි විරහිතව හා ගාස්තු අය කිරීමකින් තොරව සින්නක්කර අයිතිය ලබාදීමේ වැඩසටහනක් ක්‍රියාත්මක කර තිබෙනවා.

ඒ මෙරට ස්වෛරීභාවය රැක ගැනීම වෙනුවෙන් සිය ජීවිත කැප කළ, සක්‍රීය ක්‍රියාන්විතයේ රාජකාරි කළ ත්‍රිවිධ හමුදාවේ, ශ්‍රී ලංකා පොලීසියේ හා සිවිල් ආරක්ෂක බලකායේ දිවි පිදු හා ආබාධිත වූ රණවිරුවන් හා ඔවුන්ගේ යැපෙන්නන් වෙනුවෙන් පදිංචිය සඳහා ලබා දී ඇති රජයේ ඉඩම් සඳහා ය.

මෙරට සෑම බිම් අඟලකටම සියලුදෙනාට බියකින්, සැකයකින් තොරව යාමට ඉඩ ප්‍රස්ථාව උදා කර දීම වෙනුවෙන් සිය ජීවිතය කැප කළ විරෝධාර රණවිරුවන්ට මව්බිමේ බිම් කැබැල්ලක අයිතිය තහවුරු කර දීම මෙම වැඩසටහනේ අරමුණ බව වාර්තා වේ.

මෙම වැඩසටහන ජනාධිපති කාර්යාලයේ මෙහෙය විමෙන් ක්‍රියාත්මක වේ.

ලබන 20 වෙනිදා කරන්න යන මේ දේ ගැන දන්නවා ද?. ජනතාවට දැනුම්දීමක් මෙන්න..

ජනාධිපතිවරයා විසින් අංක PS/CM/APL/267/2024 හා 2024-05-13 දිනැතිව රණවිරුවන්ගේ පදිංචිය සඳහා ලබා දී ඇති රජයේ ඉඩම් සඳහා පූර්ණ සහන ලබා දීම සඳහා ඉදිරිපත් කරන ලද අමාත්‍ය මණ්ඩල සංදේශයට ලද අංක අමප/24/0898/601/058 හා 2024/05/23 දිනැති අමාත්‍ය මණ්ඩල තීරණය අනුව රණවිරුවන්ට සඳහන් සහන ලබා දී ඇත.

විධිමත් තෝරා ගැනීමේ ක්‍රමවේදයකින් සුදුසුකම් ලබා ඇතත් මෙතෙක් සංවර්ධනය කර ගැනීමට අපොහොසත් වු සියලු රණවිරු කාණ්ඩ සඳහා රුපියල් 100/ක නාම මාත්‍ර බදු මුදලක් යටතේ විශේෂ බද්දක් ලබා දෙන බව ද සඳහන් වේ.

එමෙන්ම බදුගත් ඉඩම් සංවර්ධනය සඳහා මුල්‍ය පහසුකම් ලබා ගැනීම සඳහා පහසු වන පරිදි විශේෂ බදුකරයේ කොන්දේසි ලිහිල් කිරිම සංවර්ධනය කරමින්/ සංවර්ධනය කර ඇති ඉඩම් සඳහා නොමිලේ නිදහස් දීමනා පත්‍ර ලබා දීමට නියමිතය.

මධ්‍යම පාන්තික ගැනුම් මිල කාණ්ඩය යටතේ සුදුසුකම් ලබා ඇති, නේවාසික පදනමින් සංවර්ධනය කර ඇති ඉඩම් සඳහා නිදහස් දීමනා පත්‍ර ලබාදීම, කොන්දේසි සහිත විශේෂ දීමනා පත්‍ර ප්‍රතිපාදන ප්‍රකාරව පෘෂ්ඨාංකනය කිරීම හා කොන්දේසි ඉවත් කිරීම විධිමත් ලෙස ලියාපදිංචි කිරීම ද සිදු කරන බව වාර්තා වේ.

මැනුම් නියෝගවලට අදාළ පිඹුරුපත් හා රේඛා චිත්‍ර ලබා ගැනීම මිනින්දෝරු දෙපාර්තමේන්තුව වෙත ගෙවිය යුතු මැනුම් ගාස්තුවලින් ද නිදහස් කර ඇති බව සඳහන් වේ.

සියලු රණවිරු කාණ්ඩ සඳහා නිරවුල් භූමියක හිමිකාරිත්වයක් ලබා දීමේ මෙම ජාතික වැඩසටහන මාස 04ක් තුළ අවසන් කිරීමට නියමිතය.

මේ පිළිබඳ රණවිරුවන් දැනුවත් කිරීම හා ඔවුන්ගේ ගැටලු සම්බන්ධයෙන් කඩිනම් විසඳුම් ලබා දී කොන්දේසි විරහිත සින්නක්කර ඔප්පු ලබාදීම සඳහා දිවයිනේ තෝරාගත් ස්ථාන 04කදී ජනාධිපති කාර්යාලයේ මෙහෙයවීමෙන් ජංගම වැඩසටහන් පැවැත්වීමට කටයුතු සංවිධානය කර ඇත.

7,500ක්?. අධ්‍යාපන අමාත්‍යාංශයෙන් සිසුන්ට සුබ ආරංචියක් මෙන්න..

ඒ අනුව පොළොන්නරුව දිස්ත්‍රික් ජංගම වැඩසටහන 2024-07-10 වන දින හිඟුරක්ගොඩ ගුවන් හමුදා මූලස්ථානයේ දී සාර්ථකව පැවැත්විණ.

එමෙන්ම, 2024-07-17 දින සාලියපුර ගජබා ‍රෙජිමේන්තු මධ්‍යස්ථානයේදී ද, 2024-07-19 දින කුරුණෑගල විජයබා රෙජිමේන්තු මධ්‍යස්ථානයේ දී ද, 2024-07-23 දින කළුතර පොලිස් අභ්‍යාස විද්‍යාලයේ දී ද එම ජංගම වැඩසටහන් පැවැත් වේ.