මාරාන්තික බැක්ටීරියාවක් ආසාදනය වූ ශ්‍රී ලාංකික කාන්තාවක් හමුවේ..
Piyumika
in ඕස්ට්රේලියාවඕස්ට්රේලියාවේ වාසය කරන සිය දියණිය බැලීමට ගිය ශ්‍රී ලාංකික කාන්තාවකට මාරාන්තික බැක්ටීරියාවක් ආසාදනය වීම හේතුවෙන් රෝහල් ගත කර ඇතැයි එරට මාධ්‍ය වාර්තා කරයි .
"බුරූලි අල්සර්" නම් මෙම රෝගය වැළඳෙන පුද්ගලයකුගේ හම එම රෝගයට මුල්වන බැක්ටීරියාව විසින් කා දමනු ලබන බව සඳහන්ය.
74 හැවිරිදි ඇය සිය දියණිය සහ ඇයගේ පවුලේ සුවදුක් බැලීමට පසුගිය ජනවාරි මාසයේදී ඕස්ට්‍රේලියාවට පැමිණ ඇති අතර සය මාසයකට ආසන්න කාලයක් සිය දියණියගේ නිවසේ රැඳී සිටිමින් කාමෙල් ඕස්ට්‍රේලියාවේ සිරි නරඹා ඇත.
පසුගිය මාසයේ දිනකදී කාමෙල් වේදනාවෙන් කැ ගාසා ඇති බවත් එම අවස්ථාවේදී ඇයගේ එක් අතක් ඉදිමී නිල්පැහැ ගැන්වී තිබී ඇති බවත් දුටු දියණිය එම අවස්ථාවේදී ඇයට පැනඩෝල් ලබාදී ඇති නමුත් ඉන් රෝගී තත්ත්වය සුව අතට හැරී නොමැති නිසා අනතුරුව ඇය රෝහල් ගත කර ඇති බවත් ඕස්ට්‍රේලියානු මාධ්‍ය වාර්තා කළේය.
මුලදී වෛද්‍යවරුන්ට කාමෙල්ට ආසාදනය වී ඇති බැක්ටීරියාව හඳුනා ගැනීමට නොහැකි වී ඇති බවත් අත පණ නැතිවීම හේතුවෙන් ශල්‍යකර්මයක් මගින් ඇයගේ අත ඉවත් කිරීමට වෛද්‍යවරුන් ක්‍රියාකර ඇති බවත් එරට මාධ්‍ය සඳහන් කර ඇත.
