"සහය දෙන්නේ නෑ " අද මධ්‍යම රාත්‍රියේ සිට ඇරඹෙන විදුලි වර්ජනයට පිරිසක් බෑ කියයි

අද මධ්‍යම රාත්‍රියේ සිට සැලසුම් කර ඇති ලංකා විදුලිබල මණ්ඩලයේ ඉංජිනේරු සංගමයේ වර්ජනයට සහය නොදෙන බව විදුලිබල මණ්ඩලයේ තාක්ෂණික ඉංජිනේරු හා අධිකාරී සංගමය සහ ස්වාධීන ඉංජිනේරු සංගමය පවසනවා.

මේ අතර විදුලි සැපයුම අත්‍යවශ්‍ය සේවාවක් බවට ප්‍රකාශයට පත් කරමින් ජනාධිපති ගෝඨාභය රාජපක්ෂ විසින් අති විශේෂ ගැසට් නිවේදනයක් නිකුත් කර තිබෙනවා.

වැඩවර්ජනය හේතුවෙන් හෙට උදෑසන 8 පමණ වනවිට දිවයින පුරාම විදුලිය විසන්ධි වන බවයි එම සංගමයේ සභාපතිවරයා සඳහන් කළේ.

මේ අතර, ලංකා විදුලිබල මණ්ඩලයේ ස්වාධීන ඉංජිනේරු සංගමය සහ තාක්ෂණික ඉංජිනේරු සහ අධිකාරී සංගමය යෝජිත වැඩ වර්ජනයට සහය ලබා නොදෙන බව පවසනවා. 

නිවේදන නිකුත් කරමින් එම සංගම් පවසන්නේ පාරිභෝගිකයින් අපහසුතාවට පත් නොවන අයුරින් විදුලි සැපයුමක් ලබාදීම සඳහා ජාතික පද්ධතිය පවත්වාගෙන යාමට අවශ්‍ය මැදිහත්වීම් සිදුකරන බවයි.