උග්‍ර විදුලි අර්බුදය අස්සේ කැලණිතිස්සත් නවතියි.

මේ වන විට ශ්‍රී ලංකාව තුළ උග්‍ර විදුලි අර්බුදයක් අතර පෙරේදා (දෙසැ. 3) මධ්‍යම රාත්‍රියේ සිට මැද කැලණිතිස්ස සංයුක්ත චක්‍ර බලාගාරයද අක්‍රීය වී තිබෙනවා.

විදුලිබල මණ්ඩලය ඉන්ජිනේරුවන්ගේ සංගමය පවසන්නේ, අවශ්‍ය නැප්තා ඉන්ධනය අවසන් වීම හේතු වී ඇති බවයි.

මෙම බලාගාරයෙන් ජාතික විදුලිබල පද්ධතියට මෙගාවොට් 165ක ධාරිතාවක් උත්පාදනය කරනු ලබනවා.

පසුගිය සඳුදා දිනයේ මෙම බලාගාරයට නැප්තා මෙට්‍රික් ටොන් 4,000ක් ලැබී ඇති අතර ඉන් පසුව මෙම බලාගාරය මෙගාවොට් 165කින් ක්‍රියාත්මක වූ බවත් ලංකා විදුලිබල මණ්ඩලය ඉන්ජිනේරු සංගමය අවධාරණය කරනවා.