බිත්තර මිලට ආයෙත් කුමක් වෙයි ද?. කරන්න යන දේ ගැන එකවරම දැනුම්දීමක් මෙන්න..

ලබන සතියේ බිත්තරයක සිල්ලර මිල රුපියල් 62 ත් 65 ත් අතර මුදලක් දක්වා ඉහළ දැමෙනු ඇත.

ඒ බව සමස්ත ලංකා බිත්තර වෙළෙඳ සංගමයේ සභාපති ඇන්ටන් අප්පුහාමි සඳහන් කළේ ය.

ඔහු පැවසුවේ, තොග වෙළෙඳුන්ට ගොවිපොලෙන් බිත්තරයක් රුපියල් 53 ක් හෝ 54 ක මිලකට ලැබෙන බවත් තොග වෙළෙදුන් බිත්තරයක් රුපියල් 58 ක් හෝ 59 කට සිල්ලර වෙළෙදුන්ට සපයන බවත් ය.

කෙසේ වෙතත්, වැඩිදුරටත් ඇන්ටන් අප්පුහාමි සඳහන් කළේ රුපියල් 53 ට හෝ 54 ලැබෙන බිත්තරයකට ප්‍රවාහන වියදම් රුපියලක් සහ තවත් රුපියල් 3 ක් එකතු කර සිල්ලර වෙළෙදුන්ට සපයන බවයි.