උසස් පෙළ ප්‍රථිඵල නිකුත් වූ සිසුන්ට විභාග දෙපාර්තමේන්තුවෙන් විශේෂ දැනුම් දීමක්..

ඊයේ (28) දිනයේ ප්‍රථිඵල නිකුත්වූ උසස් පෙළ සිසුන්ගෙන් නැවත දෙවෙනි වර විභාගයට පෙනී සිටීමට අපේක්ෂා කරන සිසුන්ට විභාග දෙපාර්තමේන්තුව දැනුම් දීමක් සිදු කරයි.

බ්‍රහස්පතින්දා (01) සිට සැප්තැම්බර් 8වනදා දක්වා එම සිසුන්ට සතියක කාලය තුළ නැවත විභාගයට අයදුම් කළ හැකි බව විභාග දෙපාර්තමේන්තුව දැනුම් දෙනු ලබන අතර එම සිසුන්ට මාර්ගගත ක්‍රමය ඔස්සේ විභාගයට අයදුම් කිරීමට පහසුකම් සලසා දී තිබේ.

මේ අතර විභාගය සම්බන්ධයෙන් යම් ගැටළුවක් වෙතොත් 0112-784208,0112-785413 හෝ ක්ෂණික දුරකථන ඇමතුම් අංකය වන 1911ට අමතන ලෙස විභාග දෙපාර්තමේන්තුව දැනුම් දෙනු ලබයි.