විදුලි බිලත් නව හැඩයකින් - ජනවාරි මස සිට ක්‍රියාත්මකයි..

2023 වසරේ ජනවාරි සිට සියලුම පාරිභෝගිකයන් වෙත කඩදාසි රහිත බිල්පත් සහ රිසිට්පත් හඳුන්වා දීමට ලංකා විදුලිබල මණ්ඩලය තීරණයකට ආ බව විදුලිබල හා බලශක්ති අමාත්‍ය කාංචන විජේසේකර මහතා ට්විටර් පණිවිඩයක් මගින් සදහන් කළේ ය.

විදුලිබල මණ්ඩලය තුළ වියදම් අවම කර ගැනීම සඳහා මෙම පියවර ගනු ලැබී ය.

ලංවිම නව මූලස්ථානයේ දැනට පවතින ඉදිකිරීම් කටයුතු සිදුකිරීමට ලංවිම කළමනාකාරීත්වය සමග පැවති සාකච්ඡාවකදී උපදෙස් ලබාදුන් බවත් වීදි ලාම්පු සවි කිරීම සහ වීදි ලාම්පු ක්‍රියාත්මක කිරීම නියාමනය කිරීමට තීරණය කළ බවත් ඒ මහතා වැඩිදුරටත් පැවසීය.