බස් ගාස්තු අඩු කිරීමේ තීරණයක්?..බස් හිමියන්ටත් අනතරු ඇඟවීමක්.

බස් හිමියන්ට අනතුරු ඇඟවීමක් හිටගෙන යන මගීන්ට වෙනම බස් ගාස්තුවකුයි, වාඩිවෙලා යන මගීන්ට එක බස් ගාස්තුවකුයි අයකරනවා කියල කිව්වෙ ඒක ඒ විදිහටම ක්‍රියාත්මක කරන්න නෙමෙයි.

අද ඒක අල්ලගෙන බොහෝ දෙනා විවිධ කතා කියනව. නමුත් මම ඒ කතාවෙන් කළේ බස් හිමියන්ට යම් අනතුරු ඇඟවීමක්.

මොකද කොවිඩ් වසංගතය නිසා ආසන ගණනට මගීන් ගෙන යා යුතු යන සෞඛ්‍ය උපදේශනය නිසා අපි මුලින්ම බස් ගාස්තුව වැඩි කළා.

ඒ අර්ධ සුඛෝපබෝගී බස් සේවාවල ක්‍රියාත්මක බස් ගාස්තුවලට සමාන ලෙස.

මොකද මගීන්ට සෞඛ්‍ය ආරක්ෂිතව ගමන් කරන්න ඕන නිසා.

ඒත් අද ඒ ගාස්තු වැඩිවීමක් අරගෙන, අපි දකිනව සෞඛ්‍ය නීති ගණන්ගන්නෙ නැතිව බොහෝ බස් රථවල මගීන් විශාල ප්‍රමාණයක් පටවගෙන ධාවනය කරනව.

ඒ විදිහට වැඩිගාස්තු අයකරගෙන මගීන් පටවගෙන යන බස්රථ ගැන ගන්නා ඉදිරි පියවරක් ගැන අනතුරු අඟවන්නයි ඒ වගේ කතාවක් කිව්වෙ.

මේ විදිහට දිගින් දිගටම සිදුවුණොත් බස් ගාස්තු අඩුකිරීමේ තීරණයකට යන්න වෙනව. ඒක අඟවන්න තමයි මම ඒ වගේ කතාවක් කිව්වෙ.

මේ වෙද්දි පොලිසියට දැනුම් දීල තියෙනව සෞඛ්‍ය නීති කඩන සියලු බස් රථවලට නීතිය තදින්ම ක්‍රියාත්මක කරන්න කියල.