බැසිල් රාජපක්ෂ දිවයිනට - පක්ෂයේ නායකත්වය ඔහුට ද?..

අද (20) හිටපු පාර්ලිමේන්තු මන්ත්‍රී බැසිල් රාජපක්ෂ මහතා අමෙරිකාවේ මාස එකහමාරක පමණ කාලයක් ගතකිරීමෙන් පසු දිවයිනට පැමිණෙන බව ශ්‍රී ලංකා පොදුජන පෙරමුණ පවසයි.

ජනාධිපති ගෝඨාභය රාපක්ෂ මහතාට එරෙහිව පැවති විරෝධතාවයෙන් පසු බැසිල් රාජපක්ෂ මහතා අමෙරිකාව බලා පිටත්ව ගොස් තිබුණු අතර පොදුජන පෙරමුණේ මහ ලේකම් නීතීඥ සාගර කාරියවසම් මහතා, බැසිල් රාජපක්ෂ මහතාගේ පැමිණීමත් සමග පක්ෂයේ ඉදිරි මැතිවරණ කටයුතු සඳහා වන සැලසුම් කඩිනමින් ක්‍රියාත්මක කිරීමට බලාපොරොත්තු වන බව පැවසීය.

කෙසේවෙතත් පක්ෂයේ නායකත්වය සම්බන්ධයෙන් තීරණ ගැනීම බැසිල් රාජපක්ෂ මහතා සතු කාර්යයක් බව පාර්ලිමේන්තු මන්ත්‍රී ජගත් කුමාර මහතා සදහන් කළේ ය.