මහ බැංකුවෙන් දැඩි පියවරක්..!
Sewvandhi
in ව්යාපාරිකවිධානයන්ට අනුකූල නොවූ මුදල් හුවමාරු කරන්නන්ට එරෙහිව අඛණ්ඩව නියාමන ක්‍රියාමාර්ග ගන්නා බව ශ්‍රී ලංකා මහ බැංකුව නිවේදනය කරයි.
බලයලත් මුදල් හුවමාරු ව්‍යාපාර ස්ථානයන්හි අඛණ්ඩව ස්ථානීය පරීක්ෂණ සිදු කරන බවද ශ්‍රී ලංකා මහ බැංකුව පෙන්වා දෙයි.
ඒ අනුව පහත සඳහන් මුදල් හුවමාරු කරන්නන් බලපත්‍රලාභී බැංකු විසින් ඔවුන්ට ලබාදී ඇති විනිමය අනුපාතවලට වඩා වැඩි මිලකට විදේශ මුදල් ගනුදෙනු කර ඇති බව අනාවරණය වූ බවද පැවසීය.
එමගින් 2017 අංක 12 දරන විදේශ විනිමය පනතෙහි විධිවිධාන යටතේ ඔවුන්ට නිකුත් කර ඇති විධානයන් උල්ලංඝණය කර ඇති බවත් අනාවරණය කරගත් බව මහ බැංකුව නිකුත් කළ නිවේදනයේ දැක්වෙයි.
ස්විස් මනි එක්ස්චේන්ජ් පුද්ගලික සමාගම කොළඹ 01 ප්‍රධාන කාර්යාලය සහ කොළඹ 06 ශාඛාව
වෙස්ටර්න් මනි එක්ස්චේන්ජ් පුද්ගලික සමාගම කොළඹ 06
වහාම ක්‍රියාත්මක වන පරිදි අදාළ විධානයන්ට අනුගත වන ලෙස නියෝග කරමින් ඉහත මුදල් හුවමාරු කරන්නන්හට අවවාදාත්මක නිවේදන නිකුත් කර ඇති බවද මහ බැංකුව සඳහන් කරයි.
අවවාදාත්මක නිවේදන මගින් දැනුම් දුන් කරුණු නිවැරදි කිරීමට මෙම බලයලත් මුදල් හුවමාරු කරන්නන් අපොහොසත් වුවහොත් ඔවුන් වෙත නිකුත් කර ඇති බලපත්‍ර අත්හිටුවීමට හෝ අවලංගු කිරීමට ශ්‍රී ලංකා මහ බැංකුව කටයුතු කරන බවද දැනුම්දෙයි.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... |
