මහනුවර ඇසළ පෙරහැරට තොරතුරු කළමනාකරණ පද්ධතියක්

Kandy Kandy Perahera Kandy Esala Perahera Sinhala news Puwath.lk
By Shehan Jul 31, 2025 01:14 PM GMT
Report

මහනුවර ශ්‍රී දළඳා මාළිගාවේ ඓතිහාසික ඇසළ පෙරහර මංගල්‍ය ඊයේ (30) ආරම්භ වූ අතර එය අගෝස්තු 08 වැනිදා දක්වා වීථි සංචාරය කිරීමට නියමිතය.

මෙම පෙරහර නැරඹීම සඳහා දෙස් විදෙස් ජනතාව විශාල සංඛ්‍යාවකගේ සහභාගිත්වය අපේක්ෂා කරයි.

එබැවින් ශ්‍රී ලංකා පොලිසිය මේ සඳහා විශේෂ ආරක්ෂක වැඩපිළිවෙලක් සහ රථවාහන සැලැස්මක් ක්‍රියාත්මක කිරීමට සැළසුම් කර තිබේ.

ඒ අනුව, දළදා පෙරහර නැරඹීමට පැමිණෙන ජනතාවගේ පහසුව වෙනුවෙන් ”මහනුවර ඇසළ පෙරහැර – 2025″ තොරතුරු කළමණාකරන පද්ධතිය ශ්‍රී ලංකා පොලිසිය විසින් හඳුන්වා දී ඇත.

මෙය පරිශීලනය කරන මහජනතාවට රථ වාහන නැවත්වීම සඳහා ඇති රථගාල්, පෙරහර ගමන් ගන්නා මාර්ගය, පෙරහර නැරඹිය හැකි ස්ථාන, සනීපාරක්ෂක පහසුකම් සලසා ගත හැකි ස්ථාන සහ පැමිණි පිරිසෙන් මඟහැරෙන්නන් හමුවිය හැකි ස්ථාන සම්බන්ධව සජීවී තොරතුරු ලබා ගැනීමේ හැකියාව ද තිබේ.

රථගාල් කළමණාකරණය කරනු ලබන පොලිස් නිලධාරින් විසින් මෙම පද්ධතිය නිරතුරුව යාවත්කාලීන කරනු ලබන අතර එම තොරතුරු ක්ෂණිකව දැනගැනීම සඳහා ජනතාවට මෙම මෘදුකාංගය භාවිතා කළ හැකිය.

www.police.lk යන පොලිස් වෙබ් අඩවියට පිවිස “මහනුවර ඇසළ පෙරහැර” හෝ https://kandyesalaperahera.police.lk යන යෙදවුම් භාවිත කළ හැකියි.