මව් කිරි ලීටර් 1599.68ක් පරිත්යාග කළ එළිසබෙත් - ලෝක වාර්තා අතරටත් එක් වෙයි.
United States of America
By krishani
මව් කිරි ලීටර් 1599.68 ක් පරිත්යාග කරමින් ලෝක වාර්තාවක් පිහිට වීමට ඇමරිකානු මවක් සමත් වී තිබෙනවා.
ඒ වසර තුනක කාලයක් පුරායි.
දෙදරු මවක් වන එළිසබෙත් ඇන්ඩර්සන් සියේරා නම් ඇය 2015 පෙබරවාරි 20 සිට 2018 ජූනි 20 දක්වා මව් කිරි ලීටර් 1599.68 ක ප්රමාණයක් පරිත්යාග කර තිබෙනවා.
එමෙන්ම ගෙවුණු නව වසර පුරාවට නොමේරු ළදරුවන් පෝෂණය කරමින් ජීවිත දහස් ගණනක් බේරාගැනීමට ඇය සමත් විය.
විදෙස් මාධ්ය වාර්තා කළේ, ලෝක වාර්තාව සඳහා 2015 සිට 2108 වසර දක්වා වසර තුනක කාලය පමණක් ගණන් බලා ඇතත් ඇය මේ දක්වා පසුගිය වසර නවයක කාලය තුළ මව් කිරි අවුන්ස 350000 ක ප්රමාණයක් පරිත්යාග කර ඇති බවයි.
කෙසේ වෙතත්, ඇය කියා සිටියේ තම සිරුරේ ප්රෝලැක්ටින් හෝමෝනය වැඩි වශයෙන් නිපදවෙන බවත් එම නිසාම සෑම විනාඩි කිහිපයකට වරක් තම සිරුරේ මව් කිරි නිපදවෙන බවත් ය.