ඇමරිකාවේ ජනපති සටනට එක්වූ ඉන්දියානුවා..(PHOTOS)

එළඹෙන අමෙරිකානු ජනාධිපතිවරණ සටන සඳහා රිපබ්ලිකන් පක්ෂය තුළ දැඩි සටනක් මේ වනවිට ඇතිවී තිබේ. එනම්, ඊට හිටපු ජනාධිපති ඩොනල්ඩ් ට්‍රම්ප් ද එක්වෙතැයි අපේක්ෂා කෙරේ.

මෙහිදී, ඉන්දීය සම්භවයක් සහිත විවෙක් රාමස්වාමි ද තමා එම සටනට එක්වන බව නිවේදනය කර තිබීමත් සමග ඇමරිකාවේ සිදුවීමට නියමිත බල පෙරළිය ගැන දැඩි කතා බහක් සිදුවනවා.

රාමස්වාමි ව්‍යවසායකයෙකි. එසේම "Woke, Inc." නම් කෘතියේ රචකයා වෙයි. ඔහු පවසන්නේ අමෙරිකානු සිහිනය ඉෂ්ට කර ගැනීම සඳහා සංස්කෘතිය වෙනසක් සිදුවිය යුතු බවය.

එකිනෙකා අතර බැඳීමක් නොමැති නම් අමෙරිකානු සමාජයේ දක්නට ඇති "විවිධත්වය" ඵල රහිත බව ඔහු පවසයි.

ඔහායෝ හි උපත ලබා ඇති 37 හැවිරිදි විවෙක් රාමස්වාමි හාවර්ඩ් සහ යේල් විශ්වවිද්‍යාල වල අධ්‍යාපනය ලැබුවෙකි.