පළමු ශ්‍රේණියට දරුවන් ඇතුලත් කරගන්නා දිනය නම් කෙරේ..හෙට කරන්න යන දේත් මෙන්න.

රජයේ පාසල්වලට 2022 සිට පළමු ශ්‍රේණිය දක්වා සිසුන් ඇතුළත් කර ගැනීම 2022 අප්‍රේල් 19 වැනිදා ආරම්භ වන බව අධ්‍යාපන අමාත්‍ය දිනේෂ් ගුණවර්ධන මහතා පවසනවා.

මේ අතර සියලුම රජයේ පාසල්වල 2022 පළමු වාරය හෙට අප්‍රේල් 18 වැනිදා නැවත ආරම්භ වීමට නියමිතව තිබේ.

මෙහිදී අධ්‍යාපන අමාත්‍ය දිනේෂ් ගුණවර්ධන මහතා පැවසුවේ, පාසල් වේලාව පැයකින් දීර්ඝ කිරීමට ගත් තීරණය තාවකාලිකව අත්හිටවූ බවයි.

කොවිඩ් වසංගතය නිසා බොහෝ කාලයක් මෙරට පාසල් වසා තිබුණා.

මේ හේතුවෙන් සිසුන්ගේ අධ්‍යයන කටයුතු සඳහා සිදු වූ පාඩුව ඉතා විශාල යි.

මේ හේතුවෙන් සිදු වූ අතපසු වීම් මඟ හරවා ගැනීම සඳහායි පාසල් කාලය සඳහා අතිරේක කාලයක් එකතු කිරීමට මින් පෙර යෝජනා වී තිබුණේ.