නර්තන කණ්ඩායමක් රැගත් වෑන් රථය අනතුරට ලක්වෙයි..11ක් රෝහලේ.(PHOTOS)

ඓතිහාසික දෝව රජමහා විහාරස්ථානයේ පෙරහරට සහභාගි වූ නර්තන කංඩායමක සිසු සිසුවියන් රැගත් වෑන් රථයක් අද (14) අලුයම බදුල්ල බණ්ඩාරවෙල ප්‍රධාන මාර්ගයේ හාලිඇල ගණදෙවි දේවාලය ආසන්නයේ මාරක අනතුරක් සිදුව තිබෙනවා.

මෙහිදී එම වෑන්රථය මාර්ගයෙන් ඉවතට පැන මාර ගසක ගැටීමෙන් නර්තන ගුරුවරයකු ඇතුලු සිසුන් 11 දෙනකු තුවාල ලබා බදුල්ල මහ රෝහලට ඇතුළත් කළ බවයි හාලිඇල පොලිසිය පවසන්නේ.

පොලිසිය කියා සිටියේ, අනතුරින් තුවාල ලබා ඇත්තේ, බදුල්ල ප්‍රදේශයේ කලා ආයතනයක නර්තන ගුරුවරයකු සහ සිසුන් පිරිසක් බවයි.

තුවාල ලැබුවන් අතර සිසුවියන් 8ක් සහ සිසුන් 2ක් සිටින බවත් මොවුන්ගෙන් කිහිපදෙනක් ගේ තත්ත්වය බරපතළ බව බදුල්ල මහ රෝහලේ හදිසි ප්‍රතිකාර ඒකකයේ ජ්‍යෙෂ්ඨ වෛද්‍ය නිලධාරී වෛද්‍ය පාලිත රාජපක්ෂ මහතා පැවසීය .

සිද්ධිය සම්බන්ධයෙන් හාලිඇල පොලීසිය වැඩිදුර විමර්ශන සිදු කරයි.