පියා සාප්පු සවාරි ගිය අතරතුර දරුවන් පස්දෙනා සදහටම අවසන් ගමන් ගිය අනුවේදනීය පුවතක් - වීඩියෝ දර්ශන සහිතයි.. (VIDEO/PHOTOS)

ඇරිසෝනා හි දෙමහල් නිවසක ගින්නක් පැතිරිම හේතුවෙන් එම නිවසේ සිටි දරුවන් පස් දෙනෙකු මිය ගිය පුවතක් විදෙස් මාධ්‍ය වාර්තා කළේ ය.

ඒ එම නිවසේ හිමිකරු වන දරුවන්ගේ පියා නත්තල් සාප්පු සවාරි සඳහා නිවසින් පිටත්ව ගොස් සිටිය දී ය.

එහි ඔහුගේ දරුවන් හතර දෙනා සහ තවත් ඥාති දරුවෙකු සිට ඇත.

මියගිය දරුවන් වයස අවුරුදු 2, 4, 5 සහ 13 යන වයස්වල පසුවන අතර ඥාති දරුවා 11 හැවිරිදි වියේ පසු වන බව වාර්තා වේ.

දරුවන්ගේ පියා බඩු සහ නත්තල් තෑගි ගෙන ඒම සඳහා ගොස් පැය දෙක හමාරක පමණ කාලයක් එහි සිට තිබෙනවා.

මියගිය පස්දෙනාගේම සිරුරු උඩුමහලේ නිදන කාමරයක තිබී හමු වී ඇත.

කෙසේ වෙතත්, ගින්න නිවා දැමීමට පැමිණි අසල්වාසීන් පවසා ඇත්තේ නිවස තුළ කිසිවකු සිටින බවට  සටහනක් හෝ නොතිබුණු බවයි.

වීඩියෝ දර්ශන - FOX 10 Phoenix