නිවසක් මතට විසල් ගසක් කඩාගෙන වැටී කතක් මරුට.. අඹු සැමි යුවළකට බරපතලයි..

අද (25) රාත්‍රියේ පවතින වර්ෂාවත් සමඟ හපුතලේ දිසාරෝහල අසල නිවසක් මතට විශාල ගසක් කඩා වැටී තිබෙනවා.

එහි සිටි කාන්තාවක් ජීවිතක්ෂයට පත්වී ඇති අතර තවත් දෙදෙනෙකු බරපතල තුවාල ලබා හපුතලේ දිසාරෝහලින් දියතලාව මූලික රෝහලට මාරු කර ඇත.

මෙලෙස ජීවිතක්ෂයට පත්ව ඇත්තේ නිවසේ මුළුතැන්ගෙයි ආහාර පිසමින් සිටි 62 හැවිරිදි කාන්තාවක් ය.

රාත්‍රියේ වැසෙන පාරවල් ගැන රියදුරන්ට කළ හදිසි දැනුම්දීමක් මෙන්න..

ඒ ආසන්නයේ සිටි 83 හැවිරිදි පිරිමි අයෙකු සහ 73 වියැති කාන්තාවක් ද වන අඹු සැමි යුවළක් මෙසේ බරපතල තුවාල ලබා තිබෙනවා.

කෙසේ වෙතත්, වැඩිදුර පරීක්ෂණ හපුතලේ පොලිසිය විසින් සිදුකරනු ලබයි.