හදිස්සියේම නිවසක ගින්නක් - ගින්න පාලනයට ගිනි නිවීමේ ඒකකය පැමිනෙයි

බදුල්ල - මුතියංගනය විහාරය අසල පිහිටි නිවසක අද (17) දහවල් ගින්නක් හට ගත්තා. පොලීසිය සඳහන් කළේ බදුල්ල ගිනි නිවීමේ ඒකකය පැමිණ ගින්න පාලනය කිරීමට කටයුතු කළ බවයි.

අලෙවි කිරීම සඳහා රැගෙන ආ රතිඤ්ඤා තොගයක් එම නිවසේ ගබඩා කර තිබූ බවට ද තොරතුරු අනාවරණ වී තිබෙනවා.

කෙසේ වෙතත්, ගින්න ඇතිවීමට නිශ්චිත හේතුවක් මෙතෙක් අනාවරණ වී නොමැති අතර, සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.