හිටපු ජනාධිපතිට මෛත්‍රී ශ්‍රීලනිප තහනම්. - (VIDEO)
Wayomi
in ශ්‍රී ලංකාවහිටපු ජනාධිපති මෛත්‍රීපාල සිරිසේන මහතාට ශ්‍රී ලංකා නිදහස් පක්ෂයේ (ශ්‍රීලනිප) සභාපතිවරයා ලෙස කටයුතු කිරීම වළක්වාලමින් කොළඹ දිසා අධිකරණය අද වාරණ නියෝගයක් නිකුත් කරනු ලැබුවා.
ඒ, හිටපු ජනාධිපතිනි චන්ද්‍රිකා කුමාරතුංග ගොනු කළ පෙත්සමකට අනුව කොළඹ දිසා අධිකරණ විනිසුරු සඳුන් විතාන ගේ නියෝගයකට අනුවයි.
හිටපු ජනාධිපති බණ්ඩාරනායක වෙනුවෙන් ජනාධිපති නීතීඥ චන්දක ජයසූරිය, නීතිඥ අමිල දිසානායක සහ නීතිඥ කේ.එම්.එස්.ආර්. පෙරේරාගේ උපදෙස් මත පූර්ණිමා රත්නායක යන මහත්ම මහත්මීන් කොළඹ දිසා විනිසුරු සඳුන් විතාන මහතා වෙත කරුණු ඉදිරිපත් කරනු ලැබුවා.
එහිදී නීතීඥවරු අවධාරණය කරනු ලැබුවේ, මෛත්‍රීපාල සිරිසේන තවදුරටත් ශ්‍රී ලංකා නිදහස් පක්ෂයේ සභාපති ධුරයේ කටයුතු කිරීම පක්ෂයේ ව්‍යවස්ථාව උල්ලංඝනය කිරීමක් බවයි.
ඔවුන් පෙන්වා දුන්නේ පක්ෂයේ ව්‍යවස්ථාව අනුව මෛත්‍රීපාල සිරිසේන රටේ ජනාධිපතිවරයා ලෙස කටයුතු කරන කාලය තුළ ශ්‍රී ලංකා නිදහස් පක්ෂයේ සභාපතිවරයා ලෙස කටයුතු කිරීමට සුදුසු බවයි.
කෙසේ වෙතත්, පශ්චාත් ජනාධිපති ධූරයෙන් පසුව, ඔහු නිල නියෝගයෙන් පක්ෂයේ අනුශාසක ලෙස නම් කරනු ලැබුවා.
එමෙන්ම, පාස්කු ප්‍රහාරය සම්බන්ධයෙන් පැවති නඩු විභාගයකදී ශ්‍රේෂ්ඨාධිකරණය මූලික අයිතිවාසිකම් කඩවීම තීරණය කර ඇති බව ඔවුන් දිසා අධිකරණය හමුවේ පෙන්වා දුන් අතර, දින 52ක ආණ්ඩු පෙරළියේදී මෛත්‍රීපාල සිරිසේන ලබාදුන් තීන්දු වැරදි බවට අධිකරණය සලකන බවද සඳහන් කළා.
මේ තත්ත්වය හමුවේ මෛත්‍රීපාල සිරිසේනට ශ්‍රී ලංකා නිදහස් පක්ෂයේ සභාපතිවරයා ලෙස කටයුතු කිරීම වළක්වාලමින් ස්ථීර වාරණ නියෝගයක් නිකුත් කරන මෙන් හිටපු ජනාධිපතිනි චන්ද්‍රිකා බණ්ඩාරනායක කුමාරතුංග දිසා අධිකරණයට පෙත්සමක් ඉදිරිපත් කළා.
මෙම කරුණ සම්පූර්ණයෙන් විනිශ්චය කරන තුරු ඔහුගේ අධිකාරිය අත්හිටුවන ලෙසට අතුරු තහනම් නියෝගයක් නිකුත් කරන ලෙසද ඇය ඉල්ලා සිටියා.
ඒ, අනුව ඇය දිස්ත්‍රික් උසාවියට කළ ආයාචනයේ දී, අතුරු නියෝගය සාකච්ඡා කරන තෙක් බලාත්මකව පැවතීමේ වාරණ නියෝගයක් අවශ්‍ය බව ද ඇය අවධාරනය කළා.
එම පෙත්සම් සලකා බැලීමෙන් අනතුරුව කොළඹ දිසා විනිසුරු සඳුන් විතාන මහතා අප්‍රේල් 18 වැනිදා දක්වා මෛත්‍රීපාල සිරිසේන මහතාට පක්ෂ සභාපතිවරයා ලෙස කටයුතු කිරීම තහනම් කරමින් අතුරු තහනම් නියෝගයක් නිකුත් කළා.
ඊට සමගාමීව ශ්‍රී ලංකා නිදහස් පක්ෂයේ වැඩබලන ලේකම් සාරති දුෂ්මන්ත මිත්‍රපාල, ජ්‍යෙෂ්ඨ උප සභාපති නිමල් සිරිපාල ද සිල්වා සහ උප සභාපති ෆයිසර් මුස්තාෆා යන මහත්වරුන්ට එරෙහිව දිසා අධිකරණය විසින් මෛත්‍රීපාල සිරිසේන ගන්නා කිසිදු තීරණයක් ක්‍රියාත්මක කිරීම වළක්වමින් වාරණ නියෝග නිකුත් කරනු ලැබුවා.
