සමාජ ශාලාවක ඇති වූ ගින්නකින් පුද්ගලයන් 15ක් මිය යයි.

රුසියාවේ කොස්ට්‍රෝමා නගරයේ රාත්‍රී සමාජ ශාලාවක ඇති වූ ගින්නකින් පුද්ගලයන් 15 දෙනෙක් මියගොස් ඇති බව වාර්තා වෙනවා.

රුසියානු වේලාවෙන් පාන්දර 2 ට පමණ මෙම ගින්න හටගෙන තිබුණා.

කෙසේ වෙතත් උදෑසන 7.30 පමණ වන විට ගින්න මැඩපැවැත්වීමට ගිනි නිවන හමුදා සමත් වී තිබෙනවා.

මෙම ගින්නට හේතු වී ඇත්තේ, පුද්ගලයකු එම සමාජ ශාලාවේ නර්තන වේදිකාව මත 'ෆ්ලෙයාර් ගන්' සංඥා පිස්තෝලයක් භාවිත කිරීමයි.