ගොඩනැගිල්ලක පිපිරිමකින් 08 දෙනෙකු අතුරුදන්..

දකුණු ප්‍රංශයේ මාර්සෙල් නගරයේ ගොඩනැගිල්ලක පිපිරීමකින් 08 දෙනෙකු අතුරුදන් වී ඇති බව විදෙස් මාධ්‍ය වාර්තා කළේ ය.

මෙතෙක් පිපිරීමට හේතුව අනාවරණ වී නොමැති අතර ගින්න නිවීම සඳහා ගිනි නිවන භටයින් 100කට අධික පිරිසක් යොදවා ඇත.

මහල් හතකින් යුත් මෙම ගොඩනැගිල්ලේ පිපිරීමත් සමඟ අවට ගොඩනැගිලි දෙකකට අර්ධ වශයෙන් හානි වී ඇති අතර එම ගොඩනැගිලිවල සිටි 200කට ආසන්න පිරිසක් ඉවත් කරගෙන ඇත.

ප්‍රංශ බලධාරීන් සැක පළ කරන්නේ, ගෑස් කාන්දුවක් මෙම පිපිරීමට හේතුව වන්නට ඇති බව ය.