ගුවන්යානකයක් නිසා ලෝක කුසලානය අහිමිවූ ප්‍රබලතම පිතිකරුවා
බටහිර ඉන්දීය කොදෙව් කණ්ඩායමේ සිටින ප්‍රබලතම පිතිකරුවෙකුට මෙවර විස්සයි විස්ස ලෝක කුසලාන ක්‍රිකට් තරගාවලිය අහිමිවී තිබේ. මෙලෙස ලෝක කුසලාන ක්‍රිකට් තරගාවලිය අහිමිව ඇත්තේ Shimron Hetmyerහටය.
ඔහු ඊයේ දිනයේ ඔස්ට්‍රේලියාව බලා ගුවන්ගතවීමට නියමිතව තිබුණ ද තමන්ට නියමිත වේලාවට ගුවන්තොටුපොළ වෙත පැමිණීමට නොහැකි බව දැනුම්දීම හේතුවෙන් මෙලෙස ඔහුට තරගාවලිය අහිමිව ඇත.
කොදෙව් ක්‍රිකට් බලධාරීන් පවසන්නේ ඔහුගෙන් සිදුවන පුරප්පාඩුව සඳහා Shamarh Brooks මේ වනවිට නම්කර ඇති බවය. ඊම බටහිර ඉන්දීය කොදෙව් ක්‍රිකට් බලධාරීන් වැඩිදුරටත් පවසන්නේ Shimron Hetmyer පසුගිය 01 වනදා ඔස්ට්‍රේලියාව බලා යාමට නියමිතව තිබූ බවය.
කෙසේ වෙතත් ඔහු පෞද්ගලික හේතුවක් ගැන දැනුම්දෙමින් එම ගමන ප්‍රතික්ෂේප කළ බවත් ඒ අනුව 03 වනදා එනම් සඳුදා දිනයේදී ඔස්ට්‍රේලියාව බලා යාමට හැකි බවත් දැනුම්දුන් බව කොදෙව් ක්‍රිකට් බලධාරීන් උපුටා දක්වමින් විදෙස් ක්‍රීඩා මාධ්‍ය වාර්තා කර තිබේ.
එසේ වුවද පසුව Shimron Hetmyer විසින් සඳුදා දිනයේද තමන්ට නියමිත වේලාවට ගුවන්තොටුපොළ වෙත පැමිණීමට නොහැකි බවට දැනුම්දීමත් සමඟ ඔහුව එම සංචිතයෙන් ඉවත් කිරීමට පියවර ගත් බව බලධාරීන් වැඩිදුරටත් ප්‍රකාශ කර ඇත.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න... |
