පාලු ඉඩමක වෙඩි තබා දෙදෙනෙක් ඝාතනය කරයි..

පාදුක්ක ප්‍රදේශයේ පාලු ඉඩමක වෙඩි තබා ඝාතනය කළ පුද්ගලයින් දෙදෙනෙකුගේ සිරුරු සොයාගෙන තිබෙන පුවතක් වාර්තා වනවා.

මේ අනුව, සංවිධානාත්මක අපරාධකරුවෙකු වන දොන් ඉන්දික හෙවත් ‘මන්න රොෂාන්’ගේ සහ ඔහුගේ ගෝලයෙකු වන ‘සුපුන්’ නැමැත්තාගේ වෙඩි තබා ඝාතනය කළ සිරුරු සොයා ගැනේ.

සිද්ධිය සම්බන්ධයෙන් පොලීසිය වැඩිදුර විමර්ශන සිදු කරයි.

මේ අතර, මුදල් ආරවුලක් දුර දිග යාමෙන් ඇති වූ බහින් බස්වීමකින් අනතුරුව පුද්ගලයින් දෙදෙනෙකු විසින් තවත් පුද්ගලයෙක් කපා කොටා ඝාතනය කර තිබෙන පුවතක් වාර්තාවේ.

නාත්තන්ඩිය, ගඩොල්ගොඩවත්ත ප්‍රදේශයේ දී බවයි ඊයේ (24) රාත්‍රී 11.30ට පමණ මෙම ඝාතනය සිදුව ඇත. මෙලෙස ඝාතනයට ලක්ව අත්තේ 34 හැවිරිදි සුදාර චතුරංග නැමැති නාත්තන්ඩිය, ජනහිතගමප්‍රදේශයේ පදිංචිව සිටි අයෙක් බවයි පැවසෙන්නේ.

බරපතළ කැපුම් තුවාල ලබා සිටි මෙම පුද්ගලයා මාරවිල මූලික රෝහලට රැගෙන යමින් සිටින අතර තුර මියගොස් ඇති බවයි වාර්තා වුණේ.

ඝාතනයට සම්බන්ධ සැකකරුවන් දෙදෙනා හඳුනාගෙන ඇති අතර, ඔවුන් අත්අඩංගුවට ගැනීමට මාරවිල පොලීසිය විමර්ශන අරඹා තිබෙනවා.