විදුලිසැර වැදී පුද්ගලයන් දෙදෙනෙකු මරුට

අනවසරයෙන් පතල් කැපීම් සිදුකළ පුද්ගලයින් දෙදෙනෙකු පැල්මඩුල්ල බටලන්ද ප්‍රදේශයේ වෙල්යායක දී විදුලිසැර වැදී මියගොස් තිබේ.

පුද්ගලයින් දෙදෙනෙකු විදුලිසැර වැදී වෙල්යායක වැටී සිටින බවට ඊයේ (11) රාත්‍රියේ පැල්මඩුල්ල පොලීසියට ලද තොරතුරක් මත පොලීසිය විසින් තුවාලකරුවන් දෙදෙනා කහවත්ත රෝහලට ඇතුළත් කර ඇත.

එහිදී එම පුද්ගලයින් දෙදෙනා මියගොස් තිබේ. මෙලෙස මිය ගොස් ඇත්තේ 28 සහ 38 හැවිරිදි බටලන්ද පැල්මඩුල්ල ප්‍රදේශයේ පදිංචිකරුවන් දෙදෙනෙකි.

අනවසරයෙන් පතල් කැපීමට ගොස් මෙම අනතුර සිදුව ඇති බව විමර්ශන වලදී අනාවරණය වී ඇති බව පොලීසිය පවසයි.