රටටම සුබ පණිවිඩයක් - ලබන 24 වෙනිදා කරන්න යන මේ දේ ගැන ඔබ දන්නව ද?.
krishani
in ශ්‍රී ලංකාවඑළැඹෙන අප්‍රේල් 24 වැනිදා උමාඔය බහුකාර්ය සංවර්ධන ව්‍යාපෘතිය නිල වශයෙන් විවෘත කිරීමට බලාපොරොත්තු වන බව ව්‍යාපෘති අධ්‍යක්ෂ ඉංජිනේරු ඩී.සී.එස්. ඇළකන්ද මහතා සඳහන් කළේ ය.
මෙමගින් දෛනිකව රුපියල් මිලියන 80ත් 100ත් අතර වටිනාකමකින් යුත් ජල විදුලි ධාරිතාවයක් ජාතික පද්ධතියට එක්කළ හැකි බව ඒ මහතා පැවසීය.
ඇමරිකානු ඩොලර් මිලියන 514 වියදමින් ඉරාන රජයේ ණය ආධාර යටතේ උමාඔය බහුකාර්ය සංවර්ධන ව්‍යාපෘතියේ ඉදිකිරීම් කටයුතු ඇරඹුණේ 2011 වසරේ දී වේ.
මෙම ව්‍යාපෘතියේ ප්‍රධාන අරමුණ වූයේ මෙගාවොට් 120ක විදුලි ධාරිතාවයක් ජාතික විදුලිබල පද්ධතියට එක්කිරීම වන අතර මෙලෙස නිෂ්පාදනය කෙරෙන විදුලිය අධිබලැති විදුලි රැහැන් කුලු‍නු 65ක් හරහා කිලෝමීටර 23ක් බදුල්ල දක්වා ගෙන ගොස් ජාතික විදුලිබල පද්ධතියට සම්බන්ධ කෙරෙනු ඇති.
එමෙන්ම උමාඔය බහුකාර්ය සංවර්ධන ව්‍යාපෘතිය යටතේ කෘෂිකර්මාන්තයට හා පානීය අවශ්‍යතා වෙනුවෙන් ජලය ලබාගැනීමත් අරමුණයි.
කෙසේ වෙතත්, ව්‍යාපෘතියේ ඉදිකිරීම් මේ වන විට අවසන් කර ඇති අතර ජල විදුලිය නිෂ්පාදනය සඳහා පරීක්ෂණ මට්ටමේ මෙහෙයුම් ආරම්භ කර ඇති බව වැඩිදුරටත් අදහස් දක්වමින් ව්‍යාපෘතියේ අධ්‍යක්ෂ ඉංජිනේරු ඩී.සී.එස්. ඇළකන්ද මහතා කියා සිටියේ ය.
