සියල්ලන් මැද තලපති විජේට සෙරෙප්පු ප්‍රහාරයක් - සමාජ මාධ්‍ය කැළඹුණ සිද්ධියේ ඇත්ත නැත්ත මොකක්ද දන්නව ද?. (PHOTOS)
දමිළ සුපිරි නළු තලපති විජේ පසුගිය බ්‍රහස්පතින්දා සවස අභාවප්‍රාප්ත නළුවකු සහ දේශපාලකයෙකු වන විජයකාන්ත්ට උපහාර දැක්වීම සඳහා චෙන්නායි හි අයිලන්ඩ් ක්‍රීඩාංගණයට ගොස් තිබෙනවා.
එහිදී රසිකයින් පිරිසක් මැදින් ගමන් කරන විට සෙරෙප්පුවක් ඔහු දෙසට පියාසර කර ඔහුට වැදී ඇත.
ඒ සම්බන්ධයෙන් අන්තර්ජාලය ඔස්සේ හුවමාරු වන වීඩියෝවක සඳහන් වේ.
තලපති විජේගේ සිනමාගමනට අතදුන් පුද්ගලයකු ලෙස විජයකාන්ත් ඉන්දීය මාධ්‍ය විසින් හඳුන්වා දී තිබෙනවා.
ඒ අනුව විජයකාන්ත්ට අවසන් ගෞරව දැක්වීම පිණිස එන විජේට මෙලෙස ප්‍රහාරය එල්ල වී ඇත.
ඉන්පසු ඔහු කලබල‍යෙන් ඇවිදගෙන යන ආකාරය ද එම වීඩියෝවේ වැඩිදුරටත් සඳහන් වේ.
සිනමා නළු අජිත්ගේ රසික සංසදය තුල රසිකයෙක් සටහනක් තබමින් පවසා තිබුනේ තලපති විජේට සිදුකල මෙම ක්‍රියාව දැඩි ලෙස විවේචනයට ලක් කරන බවයි.
කෙසේ වෙතත්, විජයගේ සහ අජිත්ගේ රසිකයෝ මීට පෙර අවස්ථා ගණනාවක දී ගැටුම් ඇතිකර ගෙන තිබෙනවා.
එවන් පසුබිමක මෙම සටහන විශේෂත්වයක් ලෙස දැක ගැනීමට පුලුවන.
