ලොව රොක් ඇන් රෝල් රැජින මිය යයි.(PHOTOS)

රොක් ඇන් රෝල් රැජින ලෙසින් හැඳින් වූ ටීනා ටර්නර්, ජීවිතක්ෂයට පත් වී තිබෙනවා.

ඇය මියයන විට ඇගේ වයස අවුරුදු 83ක්.

විදෙස් මාධ්‍ය වාර්තා කරන්නේ, ස්විට්සර්ලන්තයේ සූරිච් අසල කුස්නාච්ට්හි දිගු කලක් රෝගාතුරව සිටි ඇය සිය නිවසේ දී මියගොස් ඇති බවයි.

ටීනා ටර්නර්, රොක් ඇන් රෝල් රැජින ලෙසින් හඳුන්වනු ලබන්නේ, ඇගේ විචිත්‍රවත් රංගනයන් සහ ප්‍රබල ලෙස රළු කටහඬ නිසායි.

1939 නොවැම්බර් 26 වන දින TN හි Nutbush හි උපත ලද ඇය සැබවින් ම පොප් සංගීත ඉතිහාසයේ ශ්‍රේෂ්ඨතම නාමයන් අතර නොමැකෙන මතක සටහනක් වනු නොවනුමානයි.

1980 ගණන්වල “What's Love Got To Do With it”, “Private Dancer වැනි විශාල ජයග්‍රහණ ලබා ගත් ඇයගේ “The Best, ඇස්තමේන්තුගත ඇල්බම මිලියන 180ක් ලොව පුරා අලෙවි වී තිබීමද විශේෂත්වයක්.

Grammy සම්මාන 12ක් දිනා ගැණීමටද මෙම අසහාය තාරකාව සමත්ව තිබේ.