ප‍්‍රබලම පිතිකරු කුසල්ට ඇමරිකා වීසා තවම නෑ.! - ශ්‍රී ලංකා ක්‍රිකට් ආයතනයෙන් විශේෂ ප්‍රකාශයක්. - (VIDEO)
Cricket
Sri Lanka Cricket
Kusal Mendis
By Wayomi
Wayomi
in ශ්‍රී ලංකාවඅමෙරිකාවට යෑම සඳහා ශ්‍රී ලංකා 20යි 20 කණ්ඩායමේ උප නායක කුසල් මෙන්ඩිස් ඉදිරිපත් කළ වීසා අයදුම්පත සම්බන්ධයෙන් ශ්‍රී ලංකා ක්‍රිකට් ආයතනයේ ප්‍රධාන විධායක ඈෂ්ලි ද සිල්වා අද (17) පැවති මාධ්‍ය හමුවකදී අදහස් දැක්වීය.
ඔහු එහිදී පැවසුවේ කුසල් ගේ වීසා අයදුම්පත ප්‍රතික්ෂේප කර නොමැති බවයි.
කුසල් ඒ සම්බන්ධයෙන් අමෙරිකානු තානාපති කාර්යාලයේ නිලධාරීන් සමග කටයුතු කරන බවද ඈෂ්ලි ද සිල්වා පැවසීය.
"එයාගේ තව ඩොකියුමන්ට්ස් වගයක් ඉල්ලලා තියෙනවා. ඒ ඩොකියුමන්ට්ස් දුන්නට පස්සේ ඉදිරි දින එක/දෙක තුළ ඔහුට වීසා ලැබෙයි.."
එබැවින් මෙන්ඩිස් ට පුහුණු තරගවලට සහභාගීවීමට අවස්ථාව ලැබෙතැයි තමා විශ්වාසකරන බව ඔහු පැවසීය.
20යි 20 ලෝක කුසලාන තරගාවලියේ ශ්‍රී ලංකාව සහභාගී වන පළමු තරගය ජූනි 02 වනදා දකුණු අප්‍රිකාව සමග නිව් යෝර්ක් හීදී පැවැත්වෙයි.
