විශ්වාස භංගයක් ගේනවද? ශ්‍රිලනීපයේ අදහස..

ආණ්ඩුවට විරුද්ධව විශ්වාසභංගයක් ඉදිරිපත් කරන්නේ නම් සියළු පක්ෂ සමඟ සාකච්ඡා කළ යුතු බව ශ්‍රී ලංකා නිදහස් පක්ෂය සඳහන් කරයි.

එහි මහලේකම් පාර්ලිමේන්තු මන්ත්‍රී දයාසිරි ජයසේකර මහතා සඳහන් කරන්නේ තනි පක්ෂයක උවමනාවකට විශ්වාසභංග ගෙන ඒමට නොහැකි බවයි. විශ්වාස භංගයේ අඩංගුව සම්බන්ධයෙන් සියළු පක්ෂ සමඟ සාකච්ඡා කළ යුතු බවද හෙතෙම සඳහන් කළේය.

එසේ නොමැතිව හිස් කොළවලට අත්සන් තැබීමට සූදානමක් නැතැයිද හෙතෙම පැවසීය. සමගි ජන බලවේගය විසින් පාර්ලිමේන්තුවට ඉදිරිපත් කිරීමට සැලසුම් කර ඇති විශ්වාසභංගය සම්බන්ධයෙන් මාධ්‍ය කළ විමසීමකදී හෙතෙම මෙම අදහස් පල කරන ලදී.