ඊයේ 20යි 20 තරගයෙන් පසුව සිදුවූ විශේෂ දෙයක් ගැන බංග්ලාදේශ නායකයා කියූ දේ..
Aruna
in ශ්‍රී ලංකාවබංග්ලාදේශ සමඟ තරග තුනකින් සමන්විත විස්සයි විස්ස තරගාවලියේ ඊයේ (09) අවසන් වුණේ ශ්‍රී ලංකාව තරගාවලියේ ජයග්‍රහණය සියතට නතුකර ගනිමින්.
මේ අතර තරගාවලි ජයග්‍රහණය කුසලානය සමඟ සමරමින්, ශ්‍රී ලංකා ක්‍රීඩකයින් ඔවුන්ගේ ඔරලෝසුව පෙන්වමින් සාමූහික ඉරියව්වක් සිදුකිරීම කාගේත් අවධානයට යොමු විය.
ශ්‍රී ලංකාව කණ්ඩායම ඔවුන් කල් ඉකුත් වූ කාලයෙන් ඉදිරියට ගොස් නොමැති බවයි, මෙම සිදුවීම සම්බන්ධයෙන් බංග්ලාදේශ නායක නජ්මුල් හොසේන් ෂැන්ටෝ තරගයෙන් පසුව අදහස් දක්වමින් සඳහන් කළේ.
“එය ආක්‍රමණශීලී ලෙස හැසිරවීම හෝ එවැනි දෙයක් ගැන නොවේ. ඔවුන් කාල සීමාව ඉක්ම වූ අභිනය පෙන්වූවා, එය හරිද?
ඔවුන් කල් ඉකුත් වූ කාලයෙන් ඉදිරියට ගොස් නැහැ. මම හිතන්නේ ඔවුන් එයින් ඉවත් විය යුතුයි. ඔවුන් වර්තමානයේ සිටිය යුතුයි. අපි නීති රීති තුළ හිටියා.
කාලය ඉක්ම වූ සිද්ධියත් සමඟ ඔවුන් ඒ ගැන වියරුවෙන් ඉන්නේ. මම ඒ ගැන වැඩිය කලබල වෙන්නේ නැහැ.” යනුවෙන් ෂැන්ටෝ වැඩිදුරටත් අදහස් දක්වමින් සඳහන් කළා.
මේ අතර තරගාවලියේ වීරයා බවට පත් වූ කුසල් මෙන්ඩිස්ට ද එම මාතෘකාව සම්බන්ධයෙන් තරගයෙන් පසු පැවති මාධ්‍ය හමුවේ දී අදහස් දක්වා සිටියේ මෙලෙසින්.
“කවුරු හරි ටයිම් අවුට් සමරමින් සිටියා දැයි මම දන්නේ නැහැ. අපිට අපේ දේවල් සමරන්න පුළුවන්. මම හිතන්නේ අපි සතුටින් නිසා අපි සැමරුවා.” යනුවෙන් මෙන්ඩිස් එහිදී සඳහන් කර සිටියා.
මේ අතර ශ්‍රී ලංකා කණ්ඩායමේ පිතිකරණ පුහුණුකරු නවීඩ් නවාස් මෙම සිදුවීම සම්බන්ධයෙන් අදහස් දක්වමින් ප්‍රකාශ කර සිටියේ,
“මම හිතන්නේ අපි ඒ කාලය ඉක්ම ගිය සිදුවීමෙන් ඉදිරියට ගියා. මම හිතන්නේ ඒක ඒ වෙලාවේ වරදවා වටහා ගත් සැමරුමක්. ඒ, තරඟයේ උණුසුම අතරතුරයි.
කණ්ඩායම් දෙකම එය අමතක කළ යුතුයි.” යන්නයි.
පසුගිය වසරේ නිමා වූ ලෝක කුසලාන තරගාවලියේ දී ශ්‍රී ලංකාව සහ බංග්ලාදේශය අතර තරගයේ දී සිදු වූ ‘ටයිම් අවුට්’ සිදුවීම දෙරට අතර පසුගිය දා පැවති පළමු විස්සයි විස්ස තරගයේ දී යළි කරළියට පැමිණියේ ය.
ඒ, බංග්ලාදේශ වේග පන්දු යවන ක්‍රීඩක ෂොරිෆුල් ඉස්ලාම් ශ්‍රී ලංකාවේ පළමු කඩුල්ල දවා ගැනීමෙන් පසු පිටිය මැද දී ‘ටයිම් අවුට්’ අභිනය පෙන්වීමෙන් පසුව වීමද විශේෂත්වයක්.
